ابي تفسير لحالة هذي البنت اسأل الله ان يشفيها

السلام عليكم
كيف حالكم ان شاء الله بخير
اليوم ابي اتكلم عن موضوع مضيق صدري محزني كثيير وابكي كل ماتذكرته
صار لل بنت وحدة اعرفها موضوعها ابي احاول اختصر فيه غريب ومحير كأنه في قصص الخيال البنت عمرها بالعشرينات خريجة جامعة كانت البنت ماشاء الله اخلاقها طيبه حيويه ونشيطه طبيعيه ماشاء الله صحتها عال العال وحتى بالفترة الاخيرة غيرت من نفسها ونحفت وحلوت كانوو ناس منبهرين منها وجسمها بداية السالفة قبل سنة تقريبا جتها حالة غريبه صارت البنت متوترة وعصبية تعصب وتقلق على اتفه الاسباب كشفت قالوو لها نقص بالفيتامينات واخذت فيتامينات وخفت وبعدها بكم شهر رجعت لها الحالة اكثر واشد البنت انقطعت عن الناس والجمعات صارت منعزله بس تبكي وتتوهم اشياء جتها حالة مثل الجنون سلوكياتها تغيرت تصرفاتها صارت جدا غريبه راحت للطب النفسي الي يقوول اكتئاب شديد والي يقوول بداية انفصام وصارت تتعالج جلسات ويعطونها من الادوية ودوها شيخ يقراء قال احتمال عين قووية ايام تخف وايام تشدت
وتخليووو اشتدت عليها الحالة البنت صارت ماتاكل تقعد يومين وبعدها تأكل بشراهه قووية ماتحس بنفسها للدرجة الاستفراغ!!! بعدها صار فيه مرض مشكلة عضوية بالجهاز الهضمي بسبب تخبط الاكل والشرب وللاسف على اثرها دخلت المستشفى وحالتها حرجه لاحول الله ولاقوته الله يشفيها ويرفع عنها
اسأل الله رب العرش العظييم ان يشفيها
اهلها فيه حالة سيئة امها شبه انهيار عصبي وصدمه مو صدقه الي صاااار تقووول هذا حلم ولا خيال
تقوول امها طوول فترة مرضها دائما تشوف بالواقع قطط سود عند البيت واذا طلعت دايما يطلع بوجهها قط اسود دايما وتقوول مرة فيه شخص تمثل على هيئة امها وارعبها على فكرة كانت البنت عقلها يروح ويجي ويشتد ويخف وتميز وكانت تصلي وتقراء وتدعي
سؤالي الحين هل مرض روحي قووي او مرض نفسي شديد عين اومس او سحر يسبب هالاشياء المروعه لاحول ولاقوة الا بالله ؟؟!