ابي تفسير لهالموقف

السلام عليكم

اخواتي انا اول مره بحياتي انزل مشكله واطلب حل مو لسبب بس دايم اعتمد على نفسي بحل مشاكلي


خطأ صح الي يصير يصير والحمدلله الامور ماشيه ..

بس امس ماادري ايش السالفه _ولااقول غير قدر الله وماشاء فعل _

امس كله مواقف اول مره تمر علي بحياتي

اول موقف نزلت السوق العشاء وجلست اتسوق في سنتر بوينت ومعي ولدي في العربيه وكنت معلقه شنطتي

على عربيته وامشي وفجأه اختفت الشنطه ولافقدتها الا بعد ربع ساعه المهم رحت بلغت ودورت وحست الدنيا

والمشكله جوالي في الشنطه المهم ماحصلت شي وقالو خلاص نشوفها لك المهم اتصلت على زوجي من

جوال احد المحاسبين وقلت له السالفه وقلت وقف بطاقتي الصراف ووقف جوالي وتعالي اخذني

رجعنا البيت المهم نزلني زوجي وقال انا طالع الإستراحه ماراح اطول _طبعا" انا مامعي جوال بس اهل زوجي

ساكنين فوقي ._ راح زوجي وانا رحت ابي ادور شريحة موبايلي في شنطة السفر اذكر اني كنت شايلتها معي

يوم رحت لأهلي _شنط السفر حاطتها انا بغرفه ماهي مفروشه بس بلاط _ المهم انا دخلت ادور الشنطه

بالغرفه .............














تخيلو ايش شفت



















ضب كبييييير


انا انهبلت من وين جاء بسم الله الرحمن الر حيم


المهم حطيت ولدي في سرير وقفلت باب الغرفه وطلعت فوق لخالتي وطلبت منها جوالها بس ماقلت لها السالفه

قلت انا بوصي زوجي بأغراض وجوالي مفصول المهم دقيت على زوجي وتأخر ماجاني

المهم انا دخلت المطبخ بسوي عشاء بالفرن

وانا جالسه اسوي العشاء دخل زوجي وقال خلاص خليك في المطبخ وانا بنادي واحد من اخواني يشوف الضب

(الضب طلع واحد من الضبان الي كان زوجي جايبهم قبل شهر وحاطهم بكرتون في الغرفه والضب طلع من الكرتون

واتخبا ورى الشنط )

في نفس الوقت الي زوجي يحاول يطلع الضب انا دخلت الصينيه في الفرن وولدي في مشايته جمبي

شغلت الفرن من تحت و سكرت الفرن بعد خمس دقايق قلت انا ابي ابعد الصينيه شوي عن اللهب

ودورت بيز ( وقايه ) علشان امسك الصينيه مالقيت البيز وانا اصلن من اشتغلت وانا مرتبكه

المهم اخذت قطعة قماش وزحفت الصينيه وسكرت الفرن الا اشوف قطعة القماش الي في يدي

مشقوقه كأن النار اكلتها رحت رميتها في الزباله وجلست على الكرسي قدام الفرن

تخيلو ...... شفت النار من ورى القزاز مولعه في الفرن

انا انهبلت الفرن كله ماتشوفين غير نااااااااااااااار كبيرررررررررررررررره وانا اصيح

اصيح ياااااااافلان الحقني ويلهمني ربي اروح اسكر اسطوانة الغاز

واطلع اركض والنار مولعه في الفرن واخذ وولدي وانحاش بدون عبايه في الحوش واصيح انادي اخوان زوجي على الدرج

واستودع الله زوجي وبيتي والله ماادري ايش يصير جوا انحشت وتركت البيت

زوجي يقول انا على طول اخذت الماء وجلست اصب على الفرن لين طفت النار

البيت كله دخان والله ماتوقعت اني بعيش انا وولدي ياااااااارب رحمتك وسعت كل شي

عدا الموقف بسلام ولله الحمد

بس زوجي من امس من بعد المواقف وهو تعبااااانه نفسيته

انا احاولت اهديه واقول كل الي صار قضاء وقدر ولله حكمه فيما يقدره لنا

ورحت وسويت له عشاء (سحور ) مع ان عظامي ماتشيلني من الروعه هذا امس

وبعد ماتعشاء واذن الفجر دخل ينام قلت له طيب والضب ليه ماطلعته قال عجزت اطلعه

الضب هاااايج من الجوع ولاينقرب ...قلت حط مويه واكل عنده في الغرفه علشان مايموت عندنا ثم ناخذ ذنبه

قال طيب وحط عنده ودخل ينام ولاقام غير العصر تغدا وصلى الظهر والعصر ورجع ينام

وجيت اصحي لصلاة المغرب وعصب وقال اطلعي من الغرفه

وطلعت ورجعت اصحيه لصلاة العشاء وعيا يصحا يقول ماابي اصحى خليني نايم

والحين الساعه 3ونص الفجر وهو للحين نايم

ماادري ايش فيه .. والضب على حاله لااكل ولاطلع مندس ورى الشنط

حتى ماعندي احد اكلمه استشيره للحين ماطلعت جوال بدل الي انسرق

انا ماادري ليه مايبي يصحى .... ماادري هو ينتظرني انام علشان يقوم ويتصرف والا ايش



...............