ماقصرت الاخت الزاهده
مع الترتيب والنظام بتقدري تستفيدي من وقتك معاهم
اضيف على كلام اختي الزاهده
جيبي للبنت دفتر وعوديها تمسك القلم وترسم الاساسيات مثل الخط والنقطه والدائره ....الخ
يعني لاتشدي عليها بس علميها بالراحه مع الكثير من التشجيع وخليها ترسم وتستخدم خيالها الجميل
كمان الولد تكلمي معاه طول اليوم كرري معاه اسماء الاشياء من حوله واعطيه ورقه والوان خشبيه وخليه يشخبط
واحرصي تفرجيهم على قنوات هادفه او تجيبي لهم اشرطه حقت برامج تعليميه
وبالتوفيق

مساء الخير

بالنسبه لي وقت النوم اردد عليهم قصار السور واخليهم يردون وراي,,,

ودايما اشتريلهم دفاتر والوان واخليهم يرسمون واذا خلصو اجمعها في سله مخصصه لهم

يعني وقت فراغهم دايما رسم

وقت العصر اطلعهم يلعبون في التراب والشمس لمدة ساعتين وبعدها

نجلس على الشاهي والبسكويت وبعدها يرجعون للرسم والعب في خيمتهم والعابهم

ساعه او ثنتين وبعدها ينامون

اتمنى جدولي مع عيالي يفيدك

هلا والله أم عبود الله يخليك عيالك
بخصوص البنت ممكن تشترين لها كتب من مكتبة جرير أو أي مكتبه
كتب خاصه بعمرها تحصلين كتب لتعليم الأرقام والأحرف بالعربي والإنجليزي
إذا حابه وكل يومين أو ثلاثه علميها على حرف من حيث كتابته ونطقه
بعد ماتتعرف على الحرف والرقم خليها تتعود تكتبه على ورقه
هالطريقه حلوووووه وبما إنه وقتكم طويل بتتعلم قبل دخول التمهيدي
وكل ماتتعلم شي شجعيها وفرحيها وكافئيها حتى تتحمس للتعليم
وبخصوص حفظ سور القرآن إبدأي معها بالسور القصيره
كل أسبوع سوره ردديها وخليها تسمع وراك ومع الوقت بتتعود عليها
وخاصه قبل النوم
وممكن تشترين لها ألعاب تعليميه برضو عن الأحرف والكلمات تحصلينها
في محلات التعليم المبكر آو تويز أر أص
ولازم يا إختي ماتهملين نومهم بدري لإنه النوم بدري مهم جدااااااا لنمو الطفل
من جميع النواحي عوديهم ع الساعه ٩ أو ١٠ بالليل ينامون
ويصحون بدري شبعانين نوم ويتقبلون التعليم والتعويد
الطفل الصغير بدري عليه يتعلم ويتكلم وهالشي طبيعي
ممكن تشغلينه عنك ببعض الألعاب الخاصه بعمره وبمحلات الألعاب
تحتارين وش تختارين وأهتمي بتغذيتهم وحضري لهم وجبات تفيدهم
لا تهتمين بالجانب التعليمي وتهملين التغذيه
أتمنى أكون أفدتك ...

انا مسويه لبنتي وولدي جدول وحاطه الورقه فوق سرايرهم ومقسمه الجدول الصلاه الاستيقاظ صباحا النوم مساء فرشاة الاسنان المذاكره الاكل احترام ماما وبابا التبول بالسرير لان بنتي عنده مشكله التبول فلازم اشجعها علشان تخف ًًًً وحط علامه صح للشي الي قاموا فيه وعلامه خطاء للشي الي ماقاموا فيه واخر الشهر الي يكون عنده صحات كثيره اعطيه هديه تشجيع وحتى الي عنده صحات شويه اعطيه هديه بس صغيره عقاب له بس مودي يتحسس او يحقد بس البدايه تعبت منهم لانهم ماتعودوا عليه شوي شوي لين تعودوا


وادعيلي ان ربي يهديهم