تطمني حياتي بيت زوجها غير وبتطبخ وبتنفخ وتكنس برموش عيونها الدلع بس عندك

الله يسخرها لك

ابد مو ضارها يا كثر اللي مثلها تزوحوا وهم حتى الشاهي ما يعرفون له

اذا تزوجت بتعرف ان كل شغل البيت فوق راسها وانها هي الملزومه فيه
وبالنسبه للطبخ انا معك
لكن تراه هوايه وحب
اذا ما تحب لو تقعدين لين بكره ما راح تطبخ وهي عارفه انك موجوده
لكن اذا راحت بيت زوجها راح تطبخ
صح راح تفشل في البدايه بس عادي

انا الحمدالله تزوجت وانا سننننننعه في شغل البيت والتنظيف
لكن الطبخ حدي رز ومرق ومكرونه وبسبوسه
وكريمه
واللحين الحمدالله ما فيه شي ما اعرفه مع الوقت صرت اتعلم وابحث في النت
وكنت دايم ادق على امي واسالها
اللحين صرت ابدع طبخات من راسي
وتراي اتابع قنوات الطبخ مثل فتافيت وادخل المنتديات اقسام الطبخ
يعني لا تشيلين هم بنتك

ايه طبعا نسيت اهم شي
مو معني كلامي انك تخلينها بدون توجيه
لا عليمها التنظيف كيف يكون
خصوصا تنظيف المطبخ والحمامات والجميع بكرامه
عليمها اسس الطبخ مو لازم تطبخ بس يكون عندها علم
قد قريت لوحده فكره حلوه تقو نادي بنتك تسولف معك وفي اثناء السوالف قولي كملي هذا او قطعي هذي

مع اني اشك ان بنات هالايام انهم يحبون يسولفون مع امهاتهم

طبعا الضرب وسيله جدا سيئه لاخر درجه والله ما تطلع سنع
الا تولد الكره
حتي الهواش عمره ما جاب نتيجه
مالك تدعين لها بالسخره لك
والشكوى لله كذا اغلب بنات هالايام

ههههههه بصراحه انا كنت نفسها واقول في نفسي وش فيها امي كل شوي نضفوو حتى لو كان نظيف لازم
امي الله يعطيها العافيه كانت تتبع معانا اسلووب المحروووم يعني اذا ما سويتي الشغله ما راح تاخذي اللاب او مافي سفر او او او

المهم يوم اني تزوجت يااااشيخه اقلب البيت قلااااب وانفنن بالطبخ حتى امي قسم بالله ما تصدق فصرت بس اطبخ اصور وارسل لها لبى قلبها هههههههه

ما عليك لا تخافي عليها اذا تزوجت بتتسنع اسالي مجرب
الله يخلك لها ويخلي كل ام حق بناتها