ابي حركات حلوة للملكة تكفون

عزيزتي اذا تقدرين تجيبين صوره لها حلوه
سوي لها كيكه وفيها صورتها يسوونها سعد الدين تجنن تصير
وتختارين الكيكه بالطعم اللي تبين
انا سويتها لصديقتي قبل سنه مع هديه كبييييره وباقة ورد روعه بس كان زواجها وكان عائلي
وعجبتها جدا


ممكن تسوين لها شريط فيه قصيده باسمها
اذا تعرفين تلقين قصايد كويس
اذا ماتعرفين في محلات متخصصه


بالورد ماادري والله ماعندي فكره حاليا

واذا جا شي في بالي راح اكتبها لك يالغاليه
اتمنى اني ساعدتك ولو بشوي

احلى شي تنفعينها بشي يظل ذكرى عندها منك وتوفرين عليها بجهازها مثل مثلا تشترين قميص نوم اول ليله اوو ثلاث عطورات اطقم واتمنى اني افدتك والف مبروك لها وعقبالك :icon28:

شوفى حبيبتى فيه حركه أنا مره سويتها وطلعت وايد حلوه والكل أنهبل عليها وهى أنك تجيبين صندوق حلو من أى محل شوكولا وخليهم يزينونه بالورد الطبيعى وخليه مفتوح وخليهم يسوون لك رفين أو ثلاث على حجم الصندوق وعبيه يا شوكولا أو كيك صغار وهذى للتقديم وراح يكون جدا راقى ومرتب وأن شاء الله تعجبك الفكره وأنا بأنتظار ردك..

اهلين اختى
مافيه احلى من القصيده تسوينها لها تبقى ذكر لها طول عمرها
اختى صاحبتها سوت لها قصيده لملكتها
والحين لها اكثر من 15 سنه متزوجه ولازالت هديتها موجوده
وذكراها اختى عايشتها ليومك
وفعلا هى احلى هديه جاتها كل الهدايا بح طارت
الذهب باعته والكيك انوكل والورد ذبل لكن
القصيده هى اللى بقت والله يوفق رفيقتك لكل خير

يااااااااااااااابعد عمري والله ياحبني لكم مشكورين والله

ليان_ksa * :
حبيبتي انتي مشكورة ماقصرتي
انا الكيكة اللي بالصورة جت ببالي وناوية اخلي اختها تعطيني صورة لها وهي صغيرة بدون ماتدري عشان تكون مفاجأة حلوة لها وسعد الدين قد جربتهم مرا يجنن شغلهم

وبرضه للقصائد حلوة الفكرة تسلمين بس انا ماعرف الامحلات يسوون شي خاص بالزواج
وانا ودي بقصيدة تكون سبيشل شووي
فلوتعرفين محلات كويسة تكفين انقذيني
وشكرا حبيبتي ماقصرتي ولو ذكرتي شي بنتظارك :)


bride * :
صدقتي
بس انا زي ماقلت ماأبي اقدم هديتها الحين احس تونا بدري عليها اقدم الهدية بيوم الملكة
بس انا اللي اقصده حركة ومفاجأة حلووة
والافعلا صدقتي القمصان الحلوة تنفع تكون جزء من هدايا العرووس
والله يسمع منك هههههههههههههههه موعشان شي بس عشان نجهز سواء تخبرين حرام تجهز لحالها وانا لا :)
نورتي


نــــــعومــــه * :

والله فكرتك ياقلبي حلوووووة بس يبغى لي اعرف مكان مخصص ويضبط الشغلات هذي عندنا بالرياض عشان كلش يكون اوكيه :)
الف شكر لك


احلى بسمه * :
صدقتي والله انا مره حابه فكرة القصيدة
بس محتارة بالمكان اللي يسويها لان اغلبهم يسوونها بوقت طويل والملكة بقى 10 ايام يمكن بس عليها
والمشكلة الثانية انه اغلب القصايد تكون لليلة الزواج وانا زي ماقلت ودي تكون خاصة كاهداء من صديقة لصديقتها وينقال كلام على لساني لها بفرحة عمرها
فلوتعرفين حبيبتي محلات تفيدني بلغيني ولاعليك امر

وشكرا لك ماقصرتي وربي يسمع منك
:)