ابي حلا بدون فرن ولا خلاط

ابشري
بسكوت شاهي مغمس بالحليب ورصيه بالصينيه
الطبقه الثانيه:
دريم ويب+قشطه
الطبقه الثالثه بسكويت
الطبقه الرابعه جالكسي مذوب بحمام مائي مع قشطه او مارس
او قشطه ودريم ويب وملعقتين كاكاو بودره
وتقدرين تحطين لوتس بعد
عندك خيارات كثيرره هذا اسهل بالدنيا😂

وزينيه باللي تبين شكولاته مبشوره او حلاو او خليه ساده
وحطيه بالثلاجة يتماسك
الف عافيه على قلبك

كيك جاهز مثل كيك العائله
قطعيه شرايح ورتبيه ف الصينه او كاسات الحلا
اهم شيء تكون طبقه الكيك متوسطه مو قليله
والطبقه الثانيه اخلطي علبه قشطه وشوي حليب نستله
و٤ حبات كيري او جبن مثلث
وحطيه ع الكيك وزينيه ب اي شيء شوكولاته مبشوره
او كت كات مكسر او فليك مفتت وحطيه بالفريزر
١٠ دقايق وبالعافيه
مره لذيذ ماياخذ وقت اجهزه قبل اسوي قهوتي
واذا حابه تسوين كميه اكبر دبلي المقادير

انتبهت انك م تبين خلاط 😅
عادي مايحتاج تقدرين تهرسين الجبنه بالشوكه
وتحطين عليها الباقي وتحركينهم بسرعه بالملعقه
انا اسوي كذا مرات اسهل لي
ومرات احط جبن سائل بدل الكيري

بسكوت شاي حطيه في كيس واضربيه بفرادة العجين او بملعقة الخشب وكسريه تكسير خشن وحطيه بصينية البايركس .
جيبي زبدة فول سوداني سواء ناعمه او خشنه 3 أو 6 ملاعق حسب كمية البسكوت وارخيها بفنجانين مويه ساخنه ثم صبيه على البسكوت واخلطيه معاه كويس ثم افرديه بالصينيه البايركس واضغطي عليه .
ذوبي شوكلاته جالكسي او اي نوع شوكلاته بالمايكروييف او على حمام مائي واذا ذاب اخلطي معه علبة قشطه وصبيه فوق البسكوت ودخليه الثلاجه يبرد ثم قطعيه وقدميه . . طبعاً تقدرين تزينين الوجه بأي شي يناسب ذوقك مثل فستق او كراميل او شوكلاته هيرشي



او عندك حلا الخشخش اللي هابين فيه اخر فتره

1 دريم ويب

1 كريم كراميل

2 قشطه - أو تستبدلين علبه من القشطه بنفس الكميه جبن كريمي مثل الكيري

اضربيهم بالخلاط اليدوي كويس

جيبي طبق البايركس او زبديات صغار وغمسي بسكوت مالح او حتى بسكوت الشاي غمسيه بحليب وحطيه بالصينيه

ثم حطي طبقه من الخليط ثم طبقه من الشعيريه الباكستانيه المكسره والمحمصه ثم طبقه بسكوت مغمس بحليب ثم الخليط الى ان تخلص الكميه واخر طبقه تكون شعيريه باكستانيه . . ثم برديه بالثلاجه .

ونفس المكونات تقدرين تسوينها بدون شعيريه بس طبقات بسكوت مع الخليط