ابي حلول ياسيدات ( استشارة )

بدخل في الموضوع مباشرة
انا عندي اربعة اطفال خمس سنوات واربع سنوات وثلاث سنوات وسنة ونصف وحامل (ماشاءالله تبارك الله) الله يصلحهم ويحفظهم
وتعبت جسدياً من اعباءهم وزوجي رافض يجيب لي خدامة اذا فاتحته في الموضوع يقول بشرط اني ماعاد اجيكم عنده زوجة غيري

وش رايكم ابي زوجي وابي الخدامة وش اسوي والله اني تعبت نفسياً وجسدياً من اعباءهم
احياناً اذا تعبت من كثرة الشغل اكره الدنيا ويجيني اكتئاب

مع العلم اني اسكن شقة صغيرة يا اما اقعد طول اليوم قافلة على عيالي باب غرفتهم ولا يفجرون راسي مالنا الا الصالة متنفس حتى اذا فتحت لهم الباب كأنهم طالعين للجنة ارحمهم من هالوضع واذا رحت زيارة لاهلي اتعب اكثر ينفلتون واقعد اجمعهم اخاف عليهم من الشارع وانا تعبااانة من الحمل ولا لنا حتى حمام خاص الله يعزكم
بس غرفة وحده انحشر فيها انا وعيالي واذا سافرت امي تقفل الببت مايبقى الا غرفتي والمطبخ تخاف من حوسة البزران ولاتنلام عشان عيال خواني يدمرون كل شي

بحث زوجي عن بيت اخر اوسع ولا لقى الا باسعار غالية اهلي يسكنون في منطقة ثانية فيها الايجارات ارخص والحين ماعاد يبيني افاتحه في موضوع انه يستأجر لنا دور اوسع له حوش ينبسطون فيه عيالي وتضيع اصواتهم فيه صار يقول لي سكري الموضوع لكن اذا تبين ادور لك عند اهلك ماعندي مانع بس بشرط ماالتزم معكم بموعد متى مابغيت اجيكم اجيكم مع العلم ان البيوت الايجار الواسعه متوفرة عند اهلي في جنبهم ملاصقة واسعارهم رخيصة

بس اخاف اوافق واندم على قراري بالابتعاد من زوجي
انتظر آراءكم
ابي حلول مثمرة

و يارب رحمتك الواسعة
لاتنسون تدعون لي جزاكم الله خير