ابي حل?

الباب الي يجي منه ريح سده واستريح
المره الي راحت كانو بيخلونكم تنفصلون اما المره هذي بتنفصلون صدق لا سمح الله
اعتذري من زوجك وقوليه اسفه لا ابغى اسلم ولا غيره بكيفهم
اسمعي نصيحتي وابعدي نفسك لا تطلقتي وصرتي ببيت اهلك هم مو ضارهم شي بيدورن غيرك لولدهم وهم جالسة ومرتاحات ببيتهم
اوووكي

سلاااااااااااااااااااام

دامك متفقة انت وزوجك انهم سبب خلافاتكم

فاحسن تكونى رسمية معهم وتحددي يوم واحد كل اسبوعين وماتطولين لانه بعد قطيعة الرحم

ماتجوز وحتى مايلاقي زوجك عليك حجة بعدين ويقول انت اللي قاطعتي اهلى وانتى اللي ماتبنهم

ومن هالكلااااااااااام احسن كونى انت الصح وبسسسسسسسس

انا مشكلتي مثل مشكلتك بالضبط حياتي مع اهل زوجي كلها مشاكل من اولها الى اخرها لين رحمني زوجي واعتقني لوجه الله وطلعني ببيت مستقل بس للاسف جت الحزينه تفرح ملاتلهاش مطرح لان اهل زوجي ماخلونا انتهنا ببيتنا ازعلوا على زوجي كلهم امه وخواته واخوانه وبعد اقل من سنه من سكننا في بيت بروحنا جننوا زوجي لين طفش من كثر المشاكل ولقى ان الحل الوحيد اللي يخلي امه ترضى عليه هو انه يطلقني او يتزوج علي وبما ان بينا عيال قرر يتزوج علي وفعلا تزوج علي وحط زوجته الثانيه عند اهله ورضت امه عليه الحين هم في قمة السعادة لانه اثبت لامه وخواته انه معاهم مو معاي عموما انت قلبتي علي المواجع بس انا نصيحتي لك اذا زوجك شخصيته ضعيفه وممكن اهله يضغطون عليه ويخلونه يكرهك فلازم تلحقين عاى نفسك ولا يقعد مع اهله الا وانت معاه رجلك على رجله ترى راح يفرون مخه ويحسسونه انك سببتي قطيعة رحم بينه وبينهم بس اطلبي منه انه ما يخليك تقعدين معاهم بروحك قولي لازم تقعد معاي عشان ما يستفردون فيني وعشان يشوف كل شي قدام عيونه ويكون على بينة ولا تقطعين الزياره عنهم عشان مايصير له حجه عليك

للاخت ام علاوي ومهم على شاكلتها من المتزوجات ...

مقاطعهة اهل الزوج نهائيا صعبة جد وغير مقبول وزيارتهم باستمراريوميا كذلك غير مقبوله ..

الافضل ان يتم ذلك يوم واحد بالاسبوع مثل كل الناس او غالبهم ..

منها يشتاقون لك وتشتاقين لهم - ولو اني ما اظنه - ومنها ايضا انهم ليس لديهم استعداد للمشاكل في وقت زيارة قصير كهذه ..

كذلك تكوني رسمية معهم مع بعض السواليف العاديه والابتسامات الصفراء - وكأن الخاطر ما به شيء - وهذا ارضاء لله ثم لزوجك حتى ما يشره عليك ويلومك عند حدوث اي مشكلة بأنك انتي السبب ..

اذا يجب عدم مقاطعة اهل الزوج لمصلحتك الخاصه - وليس حبا فيهم - لان زيارتهم تعود عليك بالسعادة مع زوجك

شكرا بنات على ردودكم وان شاء الله بحاول اتصنع واروح لهم عموما انا معاهم في بيت واحد وهذا الي خلاهم يتحكمون وشخصية زوجي وابوه ضعيفة ومايقدرون يقولون كلمة وبعدين انا عارفة ان كل اللي يسوونه غيرة وحسد (امه واخته ومرت اخوه)لانهم كل ماشافوا شي عندي بغوا مثله