ابي حل 💔

سلام عليكم انا توني سجلت ابي اي برنامج افضفض فيه واقوله عن مشكلتي مايهمني اذا احد عرفني او لا وبنفس الوقت كنت اتابع ذا البرنامج من ٢٠١٦ اقرا الردود والمشاكل والصراحه كل الردود ناس واعيه وفاهمه وناضجه اول شي بقول مشكلتي انا اخر العنقود من امي يعني ابوي متزوج ثنتين امي الاوله ابوي تزوج بسبب انو اني انشلت بعد ولادتي اضطر يتزوج وتربيت مع خدامه لمدة سنتين وكنت حيل متعلقه فيها بس سافرت لضروف اهلها تربيت مع مرت ابوي وبس صرت تقريبا ٧ سنوات صرت اربي اخواني وانظف البيت انا واختي الكبيره الله لا يوريكم الكرف الي كرفناه لدرجه من نجي من المدرسه نتغدا وننظف البيت ونضل صاحين لين ١٢ باليل بعد م نغسل اخواني وبعد م نظف وكل شوي تعال سوي كذا وسوي كذا دايم ننام ساعه ١٢ باليل ونصحى الفجر عشان دوام وننام بسياره ونكمل نومنا بالمدرسه اصلن ماني مستوعبه انو اعرف اقرا واكتب والله العظيم محد علمني ولا درسني المهم طلعنا من ذا الجحيم بعد م تزوج اخوي وصار فوقنا لان حنا بيتنا دورين حنا فوق وابوي واخواني ومرة ابوي تحت وقتها صح عشنا حياتنا بس مرة اخوي م عجبها الجو وكانت تسوي مشاكل بين اخوي وبيينا وازعلت وراحت لبيتها وقالت م ارجع الا م تجيب لي بيت لحالي مع انو مرة اخوي هي بنت عمي المهم تقول م ابي اسكن مع خواتك وامك وضلت عند اهلها تقريبا ٧ سنوات او اكثر وحنا الحمدالله مرتاحين فوق نطبخ ونشتغل لمي ولنا بس طبعن م دام ذا الوضع حد ٣ سنين ورجعنا لمرة ابوي عشان اشتقنا لخواتي واخواني وصرنا ننزل ونقعد ونسولف وقت النوم نصعد وجن خواتي اسكتو فوق عندنا وانبسطنا بس طبعن مرة ابوي م عجبها الجو تحرش علينا ابوي وتحرش اخواني ع ابوي تقول شوفو يحبهن ومايحبكم انتو عيال فلانه عشان كذا م يحبكم ويحبهن هن ويغليهن ووو وقلبو خواتي علينا وطبعا صارن م يحبنا انا واختي رتناديهن فلانه وفلانه وفلانه تعالن انزلن كولن ع بناتها وتقعد بساعات تحت تحش فينا وتقسي قلبهن طبعا انا لان هي ربتني م اقدر اقسى عليها والله انو مرات اصيح صياح لو يسمعه اهل الارض لا يصحون معي ودي ابعد عنها لان ماذيتني بس احس عقوق م اقدر اتكلم عليها اسكت لين مره انفجرت لان كانت بتسحر اختي لان اختي م تسكت عن حقها وتواجها اول مره بحياتي اتكلم عليها واقولها ليش بتسحرينها عديتك امي اكثر من امي الي حملت فيني انا حتى التأفئف م اتأفئف واحترمك اكثر ما يحترمونك عيالك وقمت اصيح صياح لدرجه انهرت وصار راسي يوجعني ورحت المستشفى وخذيت ابره عشان صار فيني صداع نصفي مو بس كذا حتى لمن تزوجت تعرفون البنت لمن تتزوج تبي ام تشكي لها تبي ام تعلمها لاشياء تجهلها رحت لها وقلت لها الا بعد فتره جت مره قالت لها بنت كذا وكذا وشكلها حامل وانا مو حامل بس كنت مررهه تعبانه نفسيتي وقلت لها المهم سكت ومره زرت بيت اهل زوجي قالت لي عمتي ذي مره ابوك صح قلت اي قالت اقولك شي م تزعلين قلت ايوه قالت هي قالت اصلن فلان الي هو زوجي لفلانه الي هي اختي بنتها مدري كيف صار لتهاني الي هي انا المهم حسيت بغصه وسكت قالتها قدام زوجي قال زوجي اي فعلا قالتها بوقت تلبيستنا بعد وانا متاكده مليون في الميه انو م كذبو لان اعرف حركاتها تعبت ودي ابعد عنها ودي اوخرها عن حياتي كذا مره كنت ابي اتطلق بسببها بس اقول امي اخ تعبت حسبي الله مو بس كذا فرقتني انا واختي من ابوي ضلت توز على راسها انها تغار مني لين صارت اختي تكرهني وصارت تقولي والله م اغار منك وو اقول وربي ادري لا تردين عليها صارت تحطم بنفسيت اختي لين صارت اختي منعزله لا مو بس كذاقبل فتره تهاوشت مع زوجي ورحت لبيت اهلي قعدت تقريبا شهر وقتها كنا نبي نطلع لستراحه لبست ثوب قالت اختي ابي نفسك طلعي لي ثوب دورت بالدرج حقها فجأه قالت خلاص خلاص وقفي لا اضربك !!!؟؟؟ قلت نعمم قالت اي قاعد اقولك وقفي م توقفين قاعده تكبين ملابس الي بدرج قلت تخسين قالت شكلك تعقدتي تعايرني بمشاكلي مع زوجي قلت تصدقين خواتي الي من ابوي احن منك يالي اختي من امي وابوي طبعن اختي من ابوي واقفه راحت وصلت ذا الكلام لمرة ابوي واستغلت مرة ابوي ذي سوالف قالت لبوي انو اختي قالت عني انو تعقدت من زوجي وجاء ابوي وتكلم عليها وعلى بالها اني شكيت لبوي عنها وازعلت عليه ومن يومها م كلمتني طبعا كانت مخطوبه وزواجها بعد شهر ونص بعد م خلصت شهر عند اهلي كنت مابي ارجع لزوجي بس طولت علي دوره ولمن رحت حللت دم طلعت حامل ورجعت له وقتها بعدها بكم اسبوع نزل معي دم مو طبيعي كنت بخسر الجنين وقالت لي دكتوره لا تصعدين الدرج وو وبس اقعدي قلت زواجي اختي بعد كم يوم قالت مافي خطر عليك وخاصتن انو انا بمدينه واختي واهلي بمدينه فتعذرت لاهلي وكلمت اختي قلت م اقدر احضر الزواج قالت اصلن عادي !! حست بخاطري انو م سالتني عن سبب المهم طبعن اختي من صدمه انزلت قالت لاهلي قالت مرت ابوي واذا م جت ترا م راح ينقص شي !!! واحسني مكتئبه وتعبانه مررههه كارهه حياتي وبيتي فوق انفصام زوجي مشاكلي مع اهلي تعبتت ابي حل ترا كذا مره انتحر في بيت اهلي فوق ٥ مرات وابوي واهلي م يهتمون بس حاليا تغيرت مو خوف ع نفسي لا والله بس اقول عشان ربي م يستاهل اجازيه كذا بعد م طلعني من الجحيم مرت ابوي اجازيه بالنكران ابي رايكم واستشارتكم تعبتت ولا في مواقف وسوالف كثيره توجع القلب بس احس م اقدر اكمل لان قلبي قام يوجعني
انتظر ردكم بالله عليكم مع انو احس محد راح يرد علي 💔💔