ابي حل بنات

بنات بكل امانه كل وحده تحط نفسها مكاني
امي قبل ٥ سنوات تقريبًا
وصلت سن اليأس وانقطعت الدوره
ومن قبل انقطع لثلاث سنين يمكن وامي متغيره شخصيتها
لدرجه نص خواتها مقاطعينه
صارت حساسه جددددددا
ماتتحمل شي تنفس بدون سبب
تزعل على اشياء سخيفه ومو موجوده تتخيلها
تعصب بدون سبب وتنفس بنفس الوقت
مزاجيه متقلبه صارت يعني فجاه تضحك معي تحصلها
قالبه علي 😭
امي طبعها عصبي لكن ماكانت كذا ابد
يعني كانت حاره تبي كل شي مرتب تبي بناتها احسن الناس
كانت تقسى علينا
واعرف هالشي من حبها لكن كسرني
خاصه بوقت المراهقه تعاملني كانت بقساوه وتحطيم
وصراخ ونفخ سبحان الله بعد سن اليأس زادت يابنات
إضعاف لدرجه احس فيها هرمونات ملخبطه
تبكي بدون سبب حتى
انا مثلها ونص شعري شيب من العصبيه
احاول قد ماقدر امسك أعصابي مع امي
لما تنافخ علي
او تعصب بدون سبب علي وتطلع حرتها
فيني لكن ماقدر فجاه اشوف نفسي مثلها انافخ
وابكي بدون سبب
صرت مضغووووووطه لان كل شي علي تبيني امي
ام ثانيه لخواتي وتبيني شغاله انظف كل البيت
وتبيني طباخه تطبخ وتبيني سنعه تستقبل الحريم
انا انسانه موب آلة حتى خواتي صارو يعتمدون
علي اعتماد كلي والسبب امي الله يهديها
عودتهم ان فلانه اللي هي انا امكم تسوي لكم كل شي
انا ماعليش بالموت متحمله نفسي وحياتي
الأيام هذي بالذات السنه هذي صايره ماتحمل على طول
اصارخ انفلت بدون سبب وابكي
حتى مره اختي قالت كلمه عاديه
بس بأسلوب امر وانفلت عليها لدرجه مو قادره ترد هي
وامي انهبلت قالت وش فيها هذي تقصدني
انا احب امي وأموت فيها لكن زي ماقلت لكم
من بعده مانقطعت الدوره وامي اسلوبها وكل شي متغير
مو امي اللي اعرفها صارت ماتتحمل احد
تحب تجلس لحالها واذا جيت عندها قامت تتأفف
وتنافخ علي ماتبي اجلس عندها. وانا بدون شعور
اقولها وش فيك نفسيه
اذا فيك شي روحي لدكتور نفسي
لان اسلوبها جارح يابنات مثلا اجلس بتقهوى معها
كأنها تقرف
او شي ماتبي اجلس اتقهوى معها ولما اكل شي عندها
مع ان المالي صوت بالأكل انا او خواتي
تطول ع التلفزيون لآخر شي ودايم تحب تاكل لحالها
ماتحب معها احد ابد
تعببببببت بنات من أسلوبي اعصب بدون سبب
بالنهايه انددددددددم واكره نفسي
ليش سويت كذا😭
ليش جرحتها😭😭😭😭😭
ليش رديت عليها بعصبية
المشكله يابنات والله ثم والله بتقولون اسكتي
عنها لما تصير تهاوش وتستفز
بنات لما تشوفني ساكته امي
تزيييييد كأنها تقول ردي
تستفزني لما تخليني اعصب وابكي بكذا تسكت
اكثر من مره اطنش كلامها واسوي نفسي مو هامني لكن ماتتركني لما تطلعني من طوري
يعني وبالنهاية انا اندم ليش اطول لساني
ليش اعصب عليها وليس تجرحها وليس اصارخ عليها