ابي حل تكفون كارهه بيتي

اهلين يا جميله
ماشاء الله اسمك مليان اصرار 😍 بس محتاجه انك تستسلمين في شي واحد وهو بيتك مالك الا هو 😚حاولي تجملينه في عينك و تحبينه 🏡

اول شي شغلي سورة البقره في البيت من جوالك او ايباد او راديو او حتى افتحي قناة القران و خليها شغاله اريح لك 😙

ثاني شي لاتنسين ان الشياطين و الجن يحبون الاماكن الوسخه و المهجوره و ان النظافه من الايمان

حاولي تروحين تحللين ممكن يكون عندك فقر دم او غده ..

ولا يفوتك التجمع المثبت فوق انضمي لنا صدقيني بتنبسطين معنا و احنا كمان بنبسط فيك 💞💞

هلا اختي انتي مو دوبك ساكنه جديد شو كرهك في البيت هل هو ملك أو لا وليش متضااايقه تحديدا الله يكون بعونك

نسيت اقولك ان الانسان فقط يحتاج يكتسب العاده وبتمشي حياته باذن الله
وبضرب لك مثال :
انا والله العظييم كنت مثل حالتك و كنت من ثلاث شهور محمله تطبيق عالم حواء و كل يوم اشيك على مواضيعهم الجميله واتحمس و انضف شي بسيط و بعدها اتعب و اهمل لاني ماكنت مرتبه افكاري و لا اعرف من وين ابدا، قلت ليه مااجرب اعود نفسي على شي واحد لما اتقنه و ما عاد اقدر اتركه اذا نفع معي فبحاول ازيد كل مره شي واخترت ابسط شي مكان جلستي قبل ماانام بس الم العاب بنتي و ارتب الوسايد واذا في شي طايح اشيله بسسسسسس مكان الجلوس ، وضغطت على نفسي قبل ما انام امر عليه لمده اسبوع الى اسبوعين فقططط و الى الان مستحيل اتركه و من بعدها زدت عليه ترتيب السرير و هكذا .....

لما طحت على موضوع الجميله 🌷اسماء سمسومه 🌷 الجزء الاول كان ممتاز وكانت كانها تتكلم عني واستفدت منها و من البنات الله يجزاهم خير <> واتوقع حتى زوجي يدعي لهم 🙈🙈
تغيرت بشكل ملحوظ وتنشطت حتى لما اقرا انجازاتي و اشوفها على ارض الواقع استانس و احمد ربي اني تغيرت << يمكن السنعات يشوفونها و يقولون بس هذا اللي سويتيه 😳😶

اهم شي اني بديت اتغير و هذا بداية الخير باذن الله ❤️


انا اسفه اني طولت عليك بس حاسه بمعاناتك و حبيت اذكر لك تجربتي😙😙
الله يكون في عونك و تصيرين اسنع السنعات 😂❤️

الله يعينك ان شاء الله ويفرج همك
حبيبتي انتي قلتي سبب مشكلتك هو البعد عن الله
ارجعي زي قبل اقري قران كل يوم اقري اذكارك استغفري سبحي ادعي وقولي اللهم اني اعوذ بك من الكسل
وعليك بوصيه الرسول لبنته انك قبل النوم تقولي سبحان الله 33 والحمدلله 33 والله اكبر 34
اهههم شي قبل بيتك وقبل تنظيفه وقبل كل امور هالدنيا رجعي علاقتك بربك زي قبل
وثقي بالله انك بترجعين زي قبل واحسن


وبعدين حاولي تجددين بيتك وتغيرين شوي شغلات مثلا بكسسوارت الغرفه او اكسسوارت المطبخ او الكنب تغيرين فيه شوي
شوفي الشي اللي مو عاجبك بالبيت وغيري فيه
وبعدها ابدي ببيتك غرفه غرفه تنظيف عميق
واول ماتشوفين بيتك نظيف صدقيني بتححسن نفسيتك وتنقلب 180 درجه


بس انتي توكلي ع الله وابعدي عنك الكسل وقومي هلحييييييين ابدي تنظيف ولاتلهين بالنت او الجوال

وبالتوفيق حبيبتي

.. اول شيؤ بداية كل فشل هو اننا ننقص من قدر قيمتنا ...

يعني مثلا .. انك تتذمرين وانتي تشتغلين .. وتقولين فيني كسل ما اقدر اشتغل ....

لازم تثقين بقدراتك وكله لصالحك انتي ..بتنضمين
بتتحسن نفسيتك .. وتحبين بيتك ..


ثانيا.. لا تتوهمين .. ان سبب كسلك حسد او .... ااخ .


اعملي بالاسباب وربك يفرجها ..

اول شيء .. شوفي اضاءات البيت اذا ممتازه او فيه مكان اضأته كئيبه .. لانها سبب في انك تحبين بيتك ..

اصحي الصباح .. ع 9 ونص او قبل براحتك .. بس مو بعد ..

وضي وصلي الضحى .. افطري ممكن كوفي او اللي تحبين ..


اجلسي ساعه تقريبا هناا ف القسم .. ماتتخيلين وش كثر يشجع انك تنضفين

وانا وحده كنت ادخل الصبح وانا مالي خلق انظف .. وسبحان الله ... احس يجيني شحن من هالقسم ..

واقول في نفسي وش ناقصني خلني انظف وانا المستفيده ... بأقدر اعزم بأي وقت ... صديقات او اي احد ... بقدر اسوي لي جوو واسهر في مكان نظيف ومرتب ولا ترتيب فنادق ...
....
توكلي ع الله ... وهدفك بين عيونك ... اني اخلي بيتي
مريح لي ونظيف ..

شغلي القران ع الحرم .. ارفعي الصوت ..

وابدئي جمعي عده التنضيف في سطل ..

مثلا .. منشفه ومنظفات .. مساحه ومنشفه 2 ..
مكنسه كهرب ..

خذي شغلك ع اجزاء .. يعني غرفه غرفه ..

عشان تحسين انك انجزتي ويبان تعبك .. بعكس لما تشتتين شغلك..


خلي المطبخ اخر شيء .. تنضيف عام ..

واليوم الثاني .. بس كنسي البيت
وادخلي المطبخ .. انفشيه نفش .. وغسلي كل شيء

رتبي الادراج والثلاجه ..

امسحي الارض والسقف ..



وفي هاليومين نصيحه .. لاتغسلين غسيل ولا تطبخين ..

اليوم الثالث غسلي الغسيل ..


وبكذا ممكن تحافضين على نظافة البيت كامل بدون ماتحسين بتعب ..


صح بتتعبين اول 3 ايام ... وبعدين خلاص ..

يصير ف اليوم بس تاخذين غرفه وحده عميق .. والباقي سطحي ..



والغسيل طبعاا لوحده ..

ممكن تحطين معه .. مطبخ سطحي .. وحمامات ومغاسل الله يكرمك ..



**اول 3 ايام اللي هو تنظيف عميق لكل شيء ..

لاتطبخين اذا قدرتي ..


وبعدين خلاص راح التعب كله ..

ونظمي وقتك ... شغل الصباح يجنن .. ولوحدك ف البيت

وبكذا تقدرين تفلينها طول اليوم بدون شغل ..


اتمنى افدتك .. واي خدمه انا حاضره ..