ابي حل لامي تكفون

مرحبا بنات
والله ندمانه
وفيني بكي بكي بشكل مو سهل
اليون صار موقف
مع امي تعاملت معها بعصبيه صراخ
وكاني جالسه اهاوش برز
والسبب امي للاسف يابنات
صايره زي حركات الاطفال
شفتي البزر كيف يعاند يهمل نفسه
صحته اكله نومه كل شي
امي صايره كذا
لها اربع سنين تتغير
لكن السنه هذي بزياددددددددده
امي الحين عمرها 60 الله يطول بعمرها
مشكلتها مهمله نفسها
يعني تسهر للساعه8
او 9
الصبح عند بثوث التيك توك
وتحظ منبه تصحى 12الظهر
تسوي لابوي غداء وحنا بالدوامات
وترجع تنام تصحى العصر تتقهوى
وتجلس تتقهوى لين 10 بالليل
متخيلين
طول هالوقت ماتاكل شييييييييييييي
طول وقتها قهاوي وحلاو وخرابيط
نفس نظام الاطفال
انا جايتني الدوره امس
وداومت بالمعهد وحنا نفطر هناك
فاجي انام بعد ماصحيت جلست اسوي
شغلي ونزلت تحت على 9لاهلي
واسولف مع اختي ومع امي
واقول لامي اكلتي شي وانتي من الظهر صاحيه
قالت لا بس قهوه
بدون شعور صرخت صرخه
قلت انتي ماراح ترتاحي
لما يجيك شي انتي تبين تمرضين
انتي تبين يجيك امراض زياده ع اللي فيك
فيها ضغط وفيها كرسترول
قلت تبين يجيك سكر ودوخه عشان ترتاحي
قالت عادي خلاص يكفي قهوه وحلا!!
جلست اهاوش وخلاص ببكي انا من قهري
مو معقول كانها طفله
ماتاكل لين نغصبها
ولين نتاكد
زي نظام الاطفال بكرا كلن بينشغل
بيتوظفون بيتزوجون
وش بتسوي هي بتنتظر نجي نشوف
هي اكلت او لا ؟؟؟؟؟؟
قامت اختي قالت عجزت عنها
قلت اسوي لك اكل
احط لك شي رافضه
تقول لا مابي مب الحين بتقهوى بتقهوى
يعني تسهر وتنام وتصحى مالها نفس تاكل
تجلس طول اليوم كذا
قسم تعببببببنت
وااله العظيم صرت احسد اي وحده
امهم ذكيه وتعرف مصلحتها ومصلحة عيالها
انا احس اتعامل مع بزر
مو مع امي
يعني كاني اتفاهم مع طفله
مطنشه كل شي وتسهر وتنام ولا تاكل
ولا تهتم بنفسها ولا همها نفسها
تعببببببت
بعذ ماتهاوشنا معها بالموت
اكلت خبز وجبن بالموت والهواش والصراخ
ولما هديت ومع الهواش قامت تاكل
كرررررررهت نفسي
حسيت اني اتعامل مع بزر مو امي
لكن يابنات والله مانفجرت الا من قهري
وخوفي يصيبها شس اعرف امي
ماتستوعب الا اخر شي كلمتها
لي اشهر بطيب بهدوء ان اذا صحيتي
حطي لك او احط لك او احذ من خواتي
لو صامولي وجبن ترررررررررفض
الاكل
تسوي اكل لابوي وترجع تنام لين العصر
او المغرب وتجلس تتقهوى وعلى هالحال
لين 10 او 11بالليل نبذاء نغصبها
كاننا نغصب بزر تكفون وش الحل