حل ؟؟؟؟

اشربي ماي كثير قلة الماي يساقط الشعر .. و روحي خذي لك فيتامين دال من الصيدلية كثرة تساقط الشعر والاكتئاب يجي من نقص هالفيتامين لانه لو نقص دمار شامل يعتبر .. او روحي للمستشفى وسوي تحالليل يمكن عندك فقر دم و فقر الدم يساقط الشعر .. رتبي نظامك الغذائي شيء طبيعي اذا كان سيئ راح يطيح شعرك ويتعب وتتعب بشرتك ونفسيتك بعد .. انتي شوفي لنفسك من جميع الجهات هل هو تمام او لا والله يكتب لك ماتتمنين حبيبتي ويكون في عونك ويجملك بعين زوجك ويرضيك عن نفسك ..

إذا عندك التقصف من اﻷسفل الشعره مقسومه نصين فهو دليل على نقص الحديد

حطي على اكلك ملعقه كمون مطحون بدون طبخ ﻷن فيها نسبه كبيره جداً من الحديد ويحفز نمو الشعر

واكلي صدور دجاج ﻷنها ترطب الشعر وتحميه من التقصف

زي ما قلت لك الغذاء علاج الشعر بعد الله سبحانه وتعالى لا تستهينين فيه أبداً وتركضين ورى الشركات


ولا تدورين كثير في الخلطات دام شعرك من اﻷساس تعبان هالفتره فممكن تطيحين على خلطه حاره تعدم لك الباقي زي ما صار معي وندمت، ممكن الشي اللي جربته وتطمنت عليه هو زيت الخروع يقوي الشعر من الجذور ويكثفه وما يضره فهذا الوحيد اللي متطمنه له عقب تجاربي واشتريه من الصيدليه أفضل

ودام شعرك ما وقف تساقط ليش تستعملين زبده على الجذور الله يهديك ؟ هذي تسبب قشره كثيره للشعر الدهني فيتساقط أكثر حسب ما قريت دامها ما عالجت التساقط وقفيه أو بعديها عن فروتك

وإذا تبين شعرك يهبط بدون نفشه لفي شعرك طاقيه بس يكون شعرك ناشف من قبل عشان ما تترك البنس أثر عليه وبس

طيب حطي فيه زيت قبل ﻻتغسلينه لو بربع ساعه ... جماعتنا كلها شرت من الحرمه اللي تبيعه اصﻻ الزبت تقول ﻻتطولون فيه وصدقيني مره مفيد

كثر الله خير من نفعني بس ودي انو وحده تفيدني بحل جذري يوقف التساقط معلينا من الترطيب سهل ابي حل لشعر الضعيف وربي خلاص مافي مجال ان شعري يتساقط اكثر بنات كثرة الا ستحمام بماء الكلور هل هي سبب كافي للاجرام بالشعر تكفوووون لاني من جد كثيره استحمام ولا احط زيت من تزوجت ولااهتم فيه وربي ماعمري عانيت من تساقط شعري ابد شعري كااااان مثل الخيمه وكان يتعبني بالاستشوار كثير كثير مره والحين سنتين بس من تزوجت شعري قالي مع السلاااااامه وش الساااالفه