أخواتي لفيت ودورت وطلبت ما لقيت أحسن منكن بالرد
أبي منكن ياطويلات العمر الحل الأكيد لشعر بنتي
عمرها سنتين وكم شهر شعرها الله يصلحه ناااشف وجاف وملفلف
والله شعري ناعم مدري من وين جاذبته
حتى ابوها يقولي وش فيه شعر بنتك كذا ليه واقف .. اذا قعدت من النوم كنها متهاوشه مع احد وربي لما تشوف عماتها وخالتها يضحكون عليها تعقدت
وتمسك المشط بيدهاا وبس تمشط على غير فايدة
تكفن وش اللي يهجد الشعر ويخلي فيه لمعه هالحين انا على بلسم فاتيكا واحسها صغيره عليه بس وش اسوي مابيه ينفش ماياخذ ساعه الاااا كنك يابو زيد ماغزيت
يطير ويلفلف
جربت زيت الزيتون والسمسم الاملج ودابر املااا ماحسه عطى نتيجه
وخاصه اذا سبحتها بشامبوا نونو مررره ينفش
مدري وش الشامبوا والزيت والبلسم المناسب لهااا
هذي صوره تقرب لكم نوعيه شعرهاا بس بنتي لون شعرها اسود
وياليت تحطن لي صور لقصات شعر تنفع لها عجزت وانا ادور نفسي ادلع بنتي واقص لها قصه تليق لنوعيه شعرها وخاصه انها صغيره وتوها على لمه الشعر
من تقوم من النوم اربطه لهاامليت من اللوك واحس خف من كثر ماشده
على انه مو طويل لرقبتها بس طوله واحد