ابي حل للموقف اللي انا فيه :(

هلا حبيباتي ... بدش بالموضوع علطول
عمري 26 و حبيت ولد خالتي من وانا صغيرة بس يمكن حب من طرف واحد.. كنا دايما نلعب مع بعض لانه اعمارنا متقاربة وكنا ندرس بمدرسة وحدة لين سن معين وبعدين كل واحد صار اله اصدقاء وما صرنا نشوف بعض الا بالاعياد والمناسبات وانا رحت الجامعة وهو راح بس ما راح من بالي ابدا .. المهم كنت دايما اسولف عنه لصحباتي ودايما يسألوني اوكى ليش ما يتصل مع انه اولاد خالاتي الثانيين يتصلون بعيد ميلادي او تخرجي او اي مناسبة ويباروكولي بس اهو عمره ما رفع السماعة واتصل ...المهم تخرجت من الجامعة وجا شخص يخطبني وصليت استخارة وفكرت وكنت شبه موافقة لين قبل الخطوبة بيوم.. جات ام ولد خالتي وقالت انه ولدي كان يبي يخطب بنتج بس ما في نصيب ... تخيلواااااا وين كان كل هذي المدة وليش ما قالي وانا اللي كنت انتظره كل هذي الفترة .. المهم امي الله يسامحها راحت وقالت للناس اللي يبون يخطبوني ما في نصيب واخوان البنت مو موافقين .. وامي قالت ولد اختي ولا الغريب .. انا كنت معصبة ساعتها لانه انا قدامه كل هذي الفترة ويدري اني متخرجة من الجامعة صارلي سنتين ويعرف رقمي ولو كان يبي كان راح يتصل على الاقل بس قلت لامي اوكى راح انتظر ولد اختك... المهم ولد خالتي ما اتصل ولا كلمني ولا فتح الموضوع ولا حتى اهله فتحوا الموضوع مع انهم يدرون عن انه امي ردت الناس اللي جوا يخطبوني وسمعت انه راح يدرس ماجستير ( يعني سنتين برة البلد بيكون) المهم قلت بكون احسن منه وابي اجس نبضه لو صج يبيني ولا اهله اللي قطو كلمة وبس .. جبت ايميله ودزيتله ايميل عادي كاني انياسلم عليه ورد بالمثل .. وبالعيد كان موجود بالبلد ودزيتله مسج للعيد وما رد علي ( هذا الكلام من سنة ) اما الحين اشوفه بالنت احيانا وبس بالضبط لو سالته سوال يرد على قد الكلمة وما ياخذ ويعطي بالكلام ....
بالمختصر المفيد انا ابي اعرف اهو يبيني ولا لا ؟ انا للحين اميل حقه واشوفه بالاسبوع مرة بالنت تقريبا بس ما اقدر اسأله اي سوال يعني استحي وهو ما يجيب طاري شي بس يسال عن الاهل ويسكت
... قلت حق زوجة اخوي وردت علي يمكن الولد يستحي وانتي تعرفيه لما كنتوا صغار يعني يمكن طبعه الحين غير او احتمال ثاني انه متفشل من الحركة اللي امه عملته ( لانه عصب على امه لما قالت لامي وقال ليش قلتيلهم يمكن هذا نصيبها ) هذا الكلام امه قالته ... وامي ما قالت لو امه قالت شي بالموضوع ولا لا ومرة سألت امي وما عطتني جواب مقنع وقالت ما اعرف
اممم اتمنى انكم فهمتوا اللي كتبته لانه ما عندي اسلوب للكتابة بس كان شي بقلبي وقلته وارجوكم ابي حل للي انا فيه :(