ابي حل لمشكلة نور عيوني وحبيبي الله يهديه يارب

بسم الله الرحمن الرحيم


والصلاة والسلام على سيد الأنبياء والمرسلين سيدنا محمد وعلى لآله وصحبه وسلم تسليما كثيرا



الحمدالله الحمدالله لك يارب آمنت بقضاءك اللهم لك الحمد على نعمك اللهم إني لما أنزلت لي من خير فقير


كيف حالكم يا أخوات الكريمات عساكم بخير وسعادة والله متضايقة وحبيت أفضض لكم شوي مالى أحد أشكي له


يا بنات انا مطلقة من ثلاث سنوات ونص وعايشة عند أهلي تطلقت لما كان ولدى صغير مره والحين مشاء الله عمره ثلاث سنوات يابنات خلال هذا الثلاث سنوات شوفت العذاب والذل والقهر ولكن أحلى شئ في ها الطلاق إن الله أكرمني بحفظ كتابة الكريم اللهم لك الحمد وتحسنت أمور كثيرة في حياتي والحمدالله الطلاق كان خيره لى سبحان الله الله مايكتب لنا شئ إلا هو خيره لنا بس اللي منكد على حياتي هو معاملتي أهلى لولدي تخيلوا من كثر إخواني ما يصرخون عليه صار يخاف من كل صوت عالى على باله إن الكل يهاوشه حتى أخوي الكبير اللي كان ولدى متعلق فيه صار يهاوشه والله يحزني ولدى كل ماراح يبي يلعب معه مثلا يلقاها جالس على الاب تو ب يقول بجلس معك أحيانا يخليه وأحيانا يهاوشه وكل مايحاول ولدى يتكلم معه يقول له ترى أعطيك كف وأمي تغيرت عليه الله يهديها علشانه يتهاوش مع أخوي الصغير واللى أحسه مثل السكين في قلبي تقول ماعمرى في حياتي شفت مثل ولدك بشقاوته وخواتي لما يطلبهن أشياءهن مثل يقول بشوف أغراضك كل وحده تطرده مع جهه حتى هو يقول خالاتي بس يقولن سكر الباب يقصد يوم يطردنه من الغرفة وهو يا حياتي عليه يقول ليش مالى بابا زي النا س أبوه يجيه زيارات متباعده وابوه متزوج وابوي بعد ماكان حنون عليه هالحين يقول له روح لا أعطيك كف انا نفس اعرف قصة الكف والله حتى خواتي كلمتهن يحسنن معاملتهن معه مافيه فايده واخوى الصغير ما اقدر اقول له شئ امي تزعلى ياجماعة أحس ولدى بيتعقد بيروح منى اللهم لاشكوى إلا لك اللهم فرجك يا كرين لما انظر في ولدى اقول في قلبي ياولدى إن شاء الله الله راح يرزقني با لزوج الصالح ونعيش انا وإنت مع بعض في بيت واحد

يا الله لو تشوفون فرحته لو قال له واحد من إخوان تعال العبك يجرى من الفرحة بس وين من فتر لفترة أدرى طولت عليكم يا حبيباتي بس ما استغنى عن مشورتكم إحنا هالحين بننقل لبيتنا الجديد وابوى حط لى فيها غرفة لى ولولدى إيش أحط لولدى فيها علشان اشغل وقته وابغى نصايحكم علشان ارجع ثقة ولدى في نفسه بعد ما دمرت والله إن ما ارضى عليه بس اخاف على زعل امي إذا هاوشت واحد من إخواني وأكيد بتقولون كلمى أمك أمى لو كلمتها أكيد راح تزعل هذا حلوة اللبن ما أقدر أزعلها ولو بصلح بينه هو وأخوى اخوى ما يرتاح اللى يسوى حرب دعواتكم الطيبة وآسفه على الإطاله بغيت أفضفض
لان مالى صديقات والله يجزاكم الجنه



ياحبيباتي ولدى لسى ما كمل ثلاث سنوات في رمضان يكملها وصعبه ادخله الروضه هالحين إن شاء الله اذا كمل اربع سنوات و هو يموت في البلاستيشن دايم يلعبون اخواني وهو يقعد يناظرهم ويقول يا ماما اشترى لى واحد بس اخاف يضر عليه وانا كنت افكر فيها قلت يلعب ساعه وحده بس في اليوم وبعدين صعبه اخليه طول الوقت في الغرفه والحمدالله مصروفه يجيه كل اخر شهر الله يجزاكم الجنه وانا الحمدالله متمسكه بالدعاء