ابي حل لمشكلتي//خالاتي

السلام عليكم مالي بالمقدمات بس بدخل في مشكلتي انا طبعا مو متزوجة داخله على 18 سنه كل سنه ابوي يسافر في العيد وامي تسكن عند خالاتي وجدتي خالاتي هم ثنتين ومو متزوجات الزبده خالتي الصغيره من اول ما جينا عندهم وهي تستفزني بكلامها لا تقولون اني صغيره واتحسست بسبب كلامها لا والله ربي يشهد علي انها تحاول تستفزني المهم مر اليوم الاول والثاني والثالث من العيد وانا متحملتها ومتحمله اسلوبها معاي في ليلة اليوم الرابع كنت دوبني صاحية من النوم دخلت المطبخ ابي اسويلي اكل سويت وجلست اكل وخليت المواعين بالمغسلة شوي كذا خرجت خالتي الصغيره وشافت المواعين سوت لها كبتشينو وجلست تشرب في المطبخ المهم استغربت من جلوسها وقلت لها اشبك قامت قالت لي انتي وحده وصخه اشفق على امك اللي ما عرفت تربيك انتي مثل البهايم تاكل وتخلي علفها طايح والله وربي يشهد علي طالعت فيها وركبت السماعات في اذني وما رديت مو خوفا منها لا والله بس فكرت لو تمشكلت معاها راح افرق بين امي واختها وسكت المهم هي جلست تتكلم وانا مدري وش تقول لين راحت كملت اكلي وغسلت المواعين ورجعت جلست بالمطبخ شوي كذا ورجعت خرجت كنت بقوم واركب السماعات بس يوم طالعت فيها حسيت انها روقت شوي قلت خلاص مو لازم المهم اكيد كلكم تعرفون طارق الحربي انا كنت اتابع له فديهات كثير مو فانز بس احسه يضحك المهم هي سألتني عنه وطلبت مني سنابه المهم والله اني على قد نياتي واعطيتها سنابه وجلست على الجوال المهم هي راحت واتفرجت عليه ورجعت عندي وقالت لي انتي وحده ميته على الشباب وكلام اكبر من كذا انا جلست ساكته وما قلت شيء الين خلصت وقلت اللهم لا تؤاخذنا بما عمل السفهاء منا رجعت قالت انتي السفيهه ومن ذا الكلام صحت جدتي على صراخها وخرجت وقالت انتم ايش فيكم والله ما حبيت اسويها مشكلة خرجت يومتها كانت اختي تنام بالمجلس هذاك الوقت جلست فيه عند اختي الين اذن الفجر من قهري من خالتي صليت ونمت الين الليلة اللي بعدها وحتى اتفاجأت لما اختي صحتني على الساعة 10 بالليل وتقولي منتي ناويه تصلين قمت صليت كل الفروض وقعدت اقول الله يسامحني لأني عمري ما جمعتها غير لشيء مرهه ضروري كانو حاطين العشا وجوالي ما كان فيه شاحن حطيته بالشاحن وتعشيت جات خالتي وفصلته من الشاحن قلت لها ليش قالت لي بكنس الصاله شلت جوالي وشاحني وشحنت بالمطبخ قامت جات وفصلته وقالت ما تشحنين في المطبخ رحت المجلس قامت قالت كهربتنا مره ما تشحني فيها المهم انا ماعاد فيني اتحملها اكثر قمت وقلت لأمي امشي نروح بيتنا قالت امي مين يودينا بذي الساعة قمت قلت خلاص الفجر نخرج وكان وقتها الساعة 2 بالليل المهم جلست بالصالة وجلست خالتي كنت قاعده اتفرج بالتلفزيون قامت وقفلته جاء اخوي وهو ثاني متوسط يبي يشغل السوني وخلته قمت انا لفيت عليها وقلت لها انا ايش سويت لك قامت تقولي انتي وحده متخلفة ومهلوسه ومن ذا الكلام عاد هي سبتني وانا سكت بما فيه الكفايه وقلت لها والله محد متخلف غيرك من شفتي وشياطينك تتطاير قامت واعطتني كف ما قدرت اجلس متفرجه على كرامتي وهي تنداس قدامي وشديت شعرها وتدخلو امي وخالتي الثانية واختي عاد امي ما قصرت كملت ضرب فيني مع خالتي وخالتي الثانيه واختي كانو شوي يفكوني وشوي يضربون فيني الين تعبو وتركوني عاد انا من القهر قمت ودخلت الحمام وانتو بكرامه وجلست ابكي طبعا كان ودي ادخل اي مكان ثاني بس شالو مفاتيح الغرف كلها عشان لا اقفل على نفسي بس دخلت الحمام لأنه اخر مكان بقي فيه المفتاح جلست فيه للفجر والفجر خرجت صليت بعباتي وخرجت من البيت ورحت على الشارع بوقف تكسي وارجع البيت شوي كذا شفت امي واختي واخوي وراي ركبنا ورجعنا البيت والين الوقت ذا وامي تحط علي اللوم اني انا فرقت بينها وبين اختها واختها تقول لها تجين انتي وبناتك بس هي لا قصدها علي وبس اتمنى انكم تقرون مشكلتي وتقولون لي ايش اسوي مع امي وخالتي .