ابي حل لمشكلتي

بسم الله الرحمن الرحيم..
-
قبل بدايه اي شي انا طالبه ثانويه وماباقيلي الا كم سنه و اتخرج ولله الحمد.
-
مشكلتي هي اني اكلم بنات من برا البلد و مره متعلقه بالصداقات الالكترونيه اكثر من الاصدقاء الواقعيين..حتى امي تنزعج من ذا الشي و تحسسني ان الي قاعده اسويه غلط و دايم تسحب تلفوني ..
-
امنيه حياتي اني اقوم من النوم و اشوف تلفوني جمبي و ادش مكالمه مع صديقه لي الكترونيه و امي تدخل و تسولف معانا عادي..
-
انا مادري امي شصار معاها بالنت بس مو من حقها تسحب تلفوني بس عشان اني كلمت بنت من برا و تقطع علاقتي معاها عشان والله ليه؟"ناس غراب" صج والله؟ .. ( وخلقناكم شعوبا و قبائل لكي تتعارفوا) شفايده هذه الايه؟ انا وحده اجتماعيه و احب اتعرف على ثقافات ثانيه وكل ما اسئلك تسكتيني..جالسه تخليني احس اني جاهل و غبيه و حرفيا ماكو فرق بين معاملها لي و معامله اخواني الصغار الي اعمارهم ما تعدت العشر سنوات .-
الحين تقولون انها امك و عادي بس بسببها صار عندي mommy issues , كل مره احاول اتكلم معها بعقلانيه ماتسمع لي و دايم تضرب و تسب و المشكله ان في صغار يسمعون و يتعلمون! مره فتحت محاضره طويله لاخوي الي عمره 9 سنوات عن انه رجال بس لانه كان يخاف من ابره التحاليل و كان مره خايف و يصرخ خوف بالطبيب و يرتجف .. امي ما اهتمت لخوفه و قعدت تهزءه ماكانت تحاول تهدي اخوي و بالله الحين الي عمرهم 9 رياجيل؟؟؟؟ البزر حرفيا كان يرتجف و عنده هيموفوبيا الي هو رهاب الدم! و كان يشوف الدم ينسحب كيف ماتبيه يخاف؟؟!.ماعلينا من اخوي...قعدت معاه بعدها و جلست اتكلم معه عن اشياء يحبها..
-
امي انسانه شكاكه و عصبيه و ما تتفاهم .. مره كانت تسب فيني و لما حاولت اقول لها توقف بشكل غير مباشر بدات تضربني و تقول ( انكتمي يا قليله الادب , وقاحه مدري من وين تعلمتها , ترادد بعد ) و بيني و بينكم ,, مرات ودي اروح عند ابوي..*امي و ابوي متطلقين بس قضيتهم لساتها مفتوحه من سنوات*
-
نرجع لموضوع النت ... اغلب صديقات النت اعرف اهاليهم و احس بغيره مرات.. اهاليهم عادي عندهم و يكلموني طبيعي و انا الي عندي رافضه ذا الشي و كل ما احاول اتكلم و اقنعها وقول لها انا قد المسؤوليه تقول لي لا مافي لو تموتين وذا الصراحه يخليني اكتم عنها اسرار كثيره و ماتسمح لي اقول لها شي عني لاني دايم اكون خايفه من ردة فعلها العصبيه.. اتذكر بس مره كنت افهم درس عشان امتحان فاينل جت ضربتني!!!!!!!!!!!!!!! قالت لي لا تفهمي بس احفظي..و اذا قابلت ذا الدرس في مرحله ثانيه شبسوي؟؟
بصراحه امي نمطها enfj واحس اني بديت اشك بنمطها .. لانها متسلطه و عصبيه و ماتحب التفاهم و النقاشات و تدري اصلا انها بتطلع غلط بس على اساس انا الملاك الي مايغلط! ...استغفرالله..
-
امي ساحبه تلفوني الحين لاني كلمت وحده سناب من برا و اعرفها من 3 سنوات... و احتاج حل لاني مشغوله بالتلفون وعندي اعمال رسميه مع اشخاص كنت اعتبرهم قدوه...كيف اقدر ارجعه؟
-
شكرا للي قراء لين النهايه و ممتنه للي علق..