ابي حل لمصيبتي مع اللي ما يتسمى..

هذا الاختلاط وما يسوي

ياقلبي ما اقدر بحكم وظفتي كمهندسة ما في مكان خاص للبنات لازم مختلط والله امي قالتي نفس الكلام وترى السالفة لها فترة ، دورت حتى الامانة العامة للاوقاف رحت مكاني لازم جذي ولان شغلتي فيها اجتماعات مع مدرة ووكلا " وترى السالفة على نفس الانسان" لان في وايد يعاملوني على اني اختهم..

الأخت غرومه اعذريني لكن الرجل إذا قال أول كلمة غزل فهو يمتحن ردة فعلك إذا سكتي مثل مافعلتى انت راح يتعب الكلمه عبارات وتلميحات وكما قلتي أعطاك رقمه الخاص لتصبحي عليه يعنى بالعربي تجرئ عليك أنا ماقولك اقلبي المكتب على رأسه مع انه هذا المفروض لكن الصد ووضع الخطوط الحمراء التي يستشعرها من يتحدث معك يجب أن توضح منذ البدايه
وبطرق دبلوماسيه يفهمها الشخص دون أن تقال .. أنت تقولين انك عصبيه وأنا أشوف انك سكتي على تماديه عزيزتي خير الأمور الوسط فلو نهرتيه منذ البدايه وبطريقه لا يستطيع مسك لفظ عليك لكن افضل ولكنت تجنبتي الكثير من المتاعب مع مدير يقايضك التسليه معك مقابل حقوقك عزيزتى الانفجار غضبا يماثل السكوت أمام رجل جرئ هذا درس من دروس الحياة ارجوا ان لا تنسيه يوما من القلب الله يحفظك

عندي وحده من صديقاتي تشتغل في ارامكو ... وتعاني نفس المشكلة

بنظري الغلط بشغلتها قبل كل شي ... ومن جهة ثانية أشرت عليها إنها تنهره أو تعطيه كلام بالعظم

قالت ترقياتي وإجازاتي وتقيمي كله بيده بيضيع مستقبلي لو سويت كذا

لكني اسفهه ومااعطيه وجه ... تقول لدرجة يقول بشتري سيارة بورش وش رايك وش أحسن لون ؟؟؟؟؟

يعني امانه ذا تصرف إنسان سوي

أما بالنسبة لها فـ رجحت فكرة إنها تغير قسمها بسببه مع إنها كانت مرتاحه جداً

لكن ذا أهون الحلين ... بنظري أختي إنك سمحتي له إنه يعطيك رقمه كان من البداية قلتي

ماعندي تلفون ... أو مانيب فاضية أكلم ... أو اعذرني ذي ماهيب تصرفاتي

الرجل لما يصل لهالدرجة يكون بسبب المراه لأنها فتحت له مجال... للمعلومية كذا موقف أغلط فيه

ولما أسأل أبوي عنه يقول انتم تسوون شي وبنظرنا شي ثاني

عموماً لربما لما تكلمتي مع زميلتك من باب الضحك والسخرية وماكنتي عارفة إن الموضوع كبير

إلا لين وصل له هالخبر وبعدها شد معاك ... بنظري لو أي وحده سوا معها مديرها هالشي

وحست إن حركته عيب الأرجح إنها ماتحكيه لأحد ثاني لأنه يدل على يا إنك تفتخرين إنه أعجب فيك أو تضحكين عليه

كنت أفضل لو تكلمتي مع شخص ذو منصب أكبر أو مع احد من صديقاتك أفضل بكثير

عموماً الوحده تتعلم من اغلاطها ... والله يكفيك شر هالمدير :)

صح .. المفروض من الأول تضعين لنفسك حدود ... و تردين على هالاساليب بطريقه دبلوماسيه .. يعنى قولى ( اسمح لى .. انا ماعندى هالسوالف .. واذا قال انتى مافهمتى قصدى .. قولى انا انسانه ابى ارتاح بعملى .. وارجوك ما احب مثل هالاشياء .. وممكن تحرجينه بقولك ...< والله مايجوز لى اتصل فيك .. منت من محارمى .. انا حدى علاقة عمل فقط .. ولا عندى وقت لأى شىء آخر ...
وصدقينى انتى بحكم شهادتك مضطره تواجهين هالنماذج .. وناس ماتستحى .. فالأفضل انج تصدينه علشان يعرف انج ماعندج هالسوالف لا للمدير ولا غيره ...
انا كنت فى إداره .. مجرد أرد السلام لو كنت ماشيه فى الممر احتراما لكونه مدير فقط..
ولا ابتسم ولاشى .. والله الحمدلله كان ينظر لى باحترام .. مع انه قليل أدب مع بعض الموظفات .. حتى انا انتقلت لمدرسه لانى حبيت مكان كله حريم ... والى الآن يتذكر انى اكثر وحده محترمه بين الموظفات .. يقول هذى الموظفه الوحيده اللى ملفها نظيف ومحترمه .
انتى حاولى تصدين كل انسان وتلزمينه بحدوده ..