ابي حل لهذا الزواج

مثل ماذكرت انا اشك بزوجي اما انه مريض نفسيًا او انه مدمن لريكا ولاحسه مخه قبل يتزوجني حتى لو تركها وكل الامور تشير لذلك من ناحيه شكله ومن ناحيه كلامه ان معاه ورقه من الطب النفسي انا معه كاني مغيبه سبحان الله تقول مسحورة اشوف اشياء وتعدي مافهم مثلا يتكلم بسالفه انا طلعت وبروح مسجد وبشتري من البقاله وانا ساكته اسمع بين كل كلمه والثانيه يقول ايه بكررها كثير ويكمل استغربت منها
ماعنده مفردات تحسين عنده ضعف ادراك وتركيز دائما يشتكي انه فقد التركيز دائما ينتقد شكل يدينه ويقول هذي يدين رجال اكتشفت ان مدمن لريكا تتورم ايدينه وعيونه ورجوله يطالع صورته القديمه ويبكي على نفسه كان جميل جمال ماتقولين هدا نفس الشخص دائما عنده احساس بتانيب الضمير اذا طالع وجهي كانه يقول سامحيني دموعه بعيونه ودائما انا بتعدل بتغير وبتوب من اول يومين بس اسكت لانه مو وقت كلام وشماته ناس ليما خلاص جمعت الخيوط وحللت الامور بمخي وتاكدت انه مو خالي من هالاثنين اما متعاطي سابق ورجع تحت الضغط او مريض نفسيا وعنده ذكاء حاد وخططه تروع انتقامي اذا حس ان الموضوع ضده يقلب ابليس حتى لو هو غلطان بس احساسه كذا انا جلست مع ابوي وقلت له بفتح معاه الموضوع واني شكيت فيه رفض وقال مالك اقل من سنه تجين مطلقه اصبري طالما يحبك واخذي احتياطات منع حمل ليما تعدل ضروفه الماديه والسلوكية لان مستحيل اصارحه وارجعك معاه وانتم تبون بعض ماراح تكون النفوس طيبه يمكن انت تغيرينه الافضل وكثير حريم عدلوا رجالهموانا افكر اخربها واطلع المكبوت من يوم زواجي وامه تعطي تلميحات تخيلوا بعد اسبوعين بس جالسه تقول قدامي من يقبله ومن يتحمله وماراح يتعدل تعرفون الكلام اللي من تحت لتحت وبناتها اثنين معاها ووحده تغطي على السالفه وبلعتها قلت مصير كل واحد ياخذ حقه بالوقت المناسب لاني عروس مستحب ادخل بنقاش طنشت ورجعت معاه زي الحلاوه وهم يضيقون علي بالكلام كنت احسبه غيره او مايبوني بس بعدين فهمت شكلهم يحذروني صحيح يعشقني مثل مايقول بس كرامتي ماتسمح لي اعطي فرصه لشخص خدعني شخص استغل ضروفي لصالحه شخص وضعه مريب حبه شي واني اعيش وانا افكر باليوم والليله كيف السلامه والخوف واداريه مثل الطفل شي ثاني وشلون اقنع ابوي ! زوجي الحين تو طلع من توقيف كلمني وحاس من صوتي اني متغيرة وحلفني بالله وقلت له اني متضايقه لانه تركني شهر ونص بدون ذكر اسباب واعذاره بانه بالتوقيف مو مقنعه كيف يضرب عسكري من سنه وتو يصدر حكمه وليش مو بالدوام بالمقر العسكري في مدينه ثانيه احتاج ناس تفهم بامور القضاء العسكري وابوي يدمدمها مره يقول تطلقي وبطقاق ومره يرخي الحبل وانا بنفسي محتارة واحد اصغر مني ٥ سنين وطايش وماضي زفت واهل مشتتين كل مشتت مافيه ترابط علشان ادخل احد حكيم يتفاهم معاه الطلاق مو سهل لكنه حل وانا فقدت الامان ياناس والله العظيم اني معاه دائما خايفه شعور الخوف كان ملازمني من اول يوم قلبي مقبوض ماسوى لي شي اشهد بالله ان تعامله معي اطيب من الطيب حنون وتعامله غالبا لطيف وضروفه الماديه زفت يعني مو بخل او تقصير لا وضعه اصلا مو مرتب تعرفون قرر يتزوج فجاءة كذا واضح جدا من الخطبه الى مابعد الزواج انه مارتب اي شي للزواج والحين يسحب مني كلام قال انت متغيره صوتك متغير ونفسيتك تعبانه وكان مو فرحانه اني جيت والحقيقه مو فرحانه وابكي من ثلاث ايام ومو اول مره كل ماقربت الدوره احس ودي اتطلق واتهاوش معاه على اشياء متحملتها من قبل بس اذا ضغط علي وقت الدوره انفجر باشياء واقعيه طلبت الطلاق مرتين قبل كذا لانه قهرني بنفسي كل مره هاتي فلوس كاني امه او خويه بالاستراحه ويزعل زي الطفل ابو ثلاث سنوات اذا رفضتي تعطينه توقعون هذا طبع والا مرض ويقولي احس مسويه لي كمين بالله هدا تفكير انسان عاقل او مريض لي اسبوعين من الكأبه اللي فيها ماتسبحت دخلني بهم وضيق مايعلم به الا الله عمري 33 وهو 28 كيف اجل الحمل ليه اتحمل اني انحرم اكون ام بسبب ضروف ماديته او بسبب غشه لي انا ماادري الارزاق بيد الله حتى لو تطلقت ممكن اني ماتزوج وممكن اتزوج وماحب الشخص اللي اخذته او يعاملني مثله وممكن هو يعاملني بالطيب ذا تغطيه على اموره اللي مايبي احد يكشفها تكفون شوروا علي ادري ان في كثير بيتفرحون علي وناس من زمان سمعتني كلام جارح اني مستحيل اتزوج واذا تزوجت راح يكون شخص مريض نفسيا او مدمن جلست عشرين سنه ارفض خطاب والفكره ذي براسي مرات احاربها بيقين في الله ومرات اقول معهم حق والحين بعد زواجي لولا فضل الله علي يمكن انهار يجيني احباط اقول انه كلامهم صح بس اقوي نفسي بالله واقول امتحان لعل بالامر خير ولعل ولعل مخنوقه مقدر اشكي لامي كبيره عمر ومعها قلب ومو بيدها شي وابوي كبير بالعمر وكاسره ضهره واخواني من ابوي عوضي بالله علاقه سلام عليكم سلام عمرهم ماحسيت معهم اني اخت او اهتموا فيني وسالوني محتاجه شي او كلموني بعيد او غيره بالذات الكبير فيه علي حقد مايوصف وابوي يقولي روحي لاخوك ادري اجابته مسبق وش راح تكون مادري ارجعي لابوي وقبل كذا طحت عليه بالحدس وطريقه سرده لموقف صار بينا ويشمت بزوجي ويقول انه ملاحظ عليه تصرفات ومايبي يتدخل لاني اخته من ابوه تكفون شورا علي اطلب الطلاق والعنهم على الي سووه فيني الدعاء مايحتاج من اول يوم وانا ادعي عليهم وادري ماراح يخيب ظني وبياخذ ربي حقي بس شلون اتصرف والا اصارحه والعن خيره على الصراط المستقيم ويتعدل غصب عنه بس نفسي طابت منه كرهته او تتوقعون معي مس لان مشاعري ماتجي نفور الا قبل الدوره احس عيوبه مثل الجبال بعيني حتى صوته يلوع كبدي غصب عني