السلام عليكم ورحمة الله وبركاته
والله حايرانه ولا اعرف من وين أبد😭
ولدي مطلق في فترة الملكة بسبب انه تم شرط عليه ان البنت تتوظف علماًً انه كان فيه تفاهم قبل العقد ان الوظيفة مافيها اختلاط وهذا الشرط لم يكتب في العقد لكن البنت جتها وظيفه مختلطه قبل الزواج بشهر وحصل الطلاق.
والان ولدي شارط ان البنت تكون غير موظفة ولا ترغب بالوظيفة مستقبلا.
و ولدي محافظ على صلاته وبار فيني والناس تشهد له بالخير وكل من طرقنا بابه قال والله ما نحصل احسن منه لكن بنتنا ترغب في الوظيفة حتى وصل الحال ان جاه رجل وخطبه لبنته لكن تم رفض بسبب شرط الوظيفة تعبت وانهد حيلي وانا ادور له.
وولدي وظيفته مرموقة.
تكفون ساعدوني هل فيه بنات في هذا الزمن يقبلون الزواج بدون وظيفة لاني تعبت من البحث وطق باب الناس والإجابة وحدة!
ام راكان @am_rakan1111
عضوة جديدة
يلزم عليك تسجيل الدخول أولًا لكتابة تعليق.
صراحه معاكم حق انا ضد الشغل المختلط الا اذا كان كل واحد بمكتبه ومايصير تواصل والله يرزقه بالزوجه المناسبه اقولك ترا اغلب بنات المدن متوظفات ومستحيل يقبلون بشرطه الافضل دورو في القرى يمكن تلقون عايلات محافظه جدا
زائرة
•
بالقرى تلقين كثير بالهبل
الصفحة الأخيرة
ليش هو يعني ماعنده ثقة بزوجته؟؟؟ هالشيء صراحة يطفش البنت يحسسها يمكن أنه معقد
مو معناته محافظ يعني خلاص كذا تفكيره يكون حتى هو يمكن دوامه فيه اختلاط مدري صراحة بس .
اما في بنات أو لا اكيد في وفي اللي عكس بشرط عليها تشتغل صراحة نادر ولدك اذا هو بوفر لها كل مطالبها لان في بنات ماتقنع بالموجود وتبغى اشياء وطلبات يمكن هو مايقدر عليها فهي تبغى توفرها أو تبغى يكون لها شيء يعني وظيفة..
اهم شيء في الزواج الثقة والبداية تبين كل شيء.
يمكن هو عنده تفكير معين عن اللي يشتغلوا مختلط بس في رجال العكس عادي عندهم هالشيء والاغلب متزوجين ويشتغلوا نفس المكان اذا مرة خايف يشوف لها وظيفة معاه
مو كل من تشتغل مختلط يعني خلاص بائعة نفسها😕
انا مو موظفة ولااشجع ع هالشيء ولكني كنت يعني .