ابي حل مع اختي المتسلطه

ياجماعه انا واختي بيننا مشاكل هاي الفتره و الصراحه ابي حل رح اشرحلكم القصه من كل النواحي و من البدايه انا اصغر وحده في العائله و عندي اختين و اخو نور واهيا الاكبر و فاطمه واهيا الثانيه و محمده و انا المهم انا من يوم كنت اصغيره كنت وااااايد متعلقه في اختي و احبها واهيا بعد اتحبني و لكن فيها تسلط يعني دايمن تتدخل في كل شي و هل شي اثر على شخصيتي يعني مثل هل شي يوم كبرت استوعبته يوم كنت اصغيره اي تصرف اسويه مايعجبها سيده تزعل حتى لو كانت الغلطانه وانا سيده اروح و اعتذر وكنت ترا وايد احترمها من صغري بس اهيا اذا سويت شي ماعجبها سيده اتسوي روحها زعلانه وماتكلمني عشان اسوي الي تبيه او يكون في تخويف اهيا ماتمد يدها بس الي كانت تسويه كان شي نفسي وعلى فكره انا يوم كنت اصغيره وايد كنت اخاف منها بشكل موطبيعي حتى اهلي كانو يلاحضون بس مع ذلك كنت وايد احبها لانه كانت الوحيده الي تدلعني و تيبلي هدايا بس التسلط المهم مرت السنين و ما صرنا وايد نقعد مع بعض لانه انا اروح المدرسه و اهيا تشتغل فا ماكان في تدخل او تسلط بس في هاي الفتره واايد كانت تغلط علي اهيا ترا عصبيه بس انا اهيا مو مع الكل هلو انا يمكن اكثر وحده يوم تعصب من اي شي تصارخ في وهيي على اي شي حرفين وانا كنت اسكت لانه كنت اخاف منها يعني ماتبيني اسوي اي شي ما يرضيها حرفين على اتفه الاشياء و اذا سويت شي مايعجبها سيده اتسوي روحها معصبه عشان اسوي الي تبيه لانه تعرف انا اخاف منها انا ماكنت من النوع الي يحط في قلبي اي شي تسويه انساه بس يت فتره بديت اتضايق من تصرفاتها لاني كبرت و صرت ما اتقبل كلمتها في هل موضوع و قات بتتغيره و اهيا صج وايد تحسنت بس يات فترة كورونا في البدايه كنا نطلع ويا بعض وهلون بس بعدين بدت تتدخل في كل شي و هل شي رفع ضغطي في لبسي تتدخل شنو اشتري المهم انا بدت نفسيتي تتعب و صرت ما اتقبل منها اي شي من الكبت تغيرت شخصيتي انا ما كنت انسانه تحط في قلبها ولكن من الخوف وهل شي مسيطر علي لانه من صغري صار كبت فا اذا صارت تتدخل في اي شي صرت ازعل منها و ما اكلمها و السبب انا كنت ابي ابتعد عنها لانه وايد اثرت علي و ما ابي اشاركها في الاشياء الي اسويها لانه حرفين اذا قتلها اني مثلن قاعده اشتغل علي بروجكت بتتدخل في كل شي نبيه يصير مثل ماتبي و اذا ما سويت الي تبيه انقولي كيفج اكيد مابينجح ومن هل كلام فا اهيا تضايقت وتقول حق امي وامي اتيي عندي اتقولي ليش متغيره على اختج ومن هل كلام صارت تخليني اشكك في روحي لانه دايمن تبي تكون الضحيه حتى يوم تغلط علي سيده اتبين اني الغلطانه و دايمن تعاملني على اني ياهل وماعرف شي مع اني كبرت و اذا سويت شي ونجحت فيه احسها تتضايق في وايد اشياء يابتلي القهر ماقدر اشرحها بس من القهر و الضغظ ويوم كبرت و بديت استوعب التحكم و التسلط صار كل تفكيري سلبي صرت ما احب احد يدخل في اي شي اسويه احيان اقعد مع نفسي و اتخيل اني ارد عليها يعني اذا تهاوشنا ومارديت عليها بعدين اييني رد ومع نفسي اتخيل اني ارد😂 المهم هل شي زاد عن حده بسبت الكبت ووصلت لمرحله اتخيل مشاكل ممكن اتصير واني ارده و صار هل شي مضايقني و احس بقهر بيني و بين نفسي ولتقولون لي ليش ماتكلمين اهلك كلمتهم و مافي فايده امي تقولي تحمليها هاي طبايعها و اول ما تجوف شي سلبي مني سيده يحسسوني انا فيني شي يا جماعه والله اني ضايعه ماعرف هل صج فيني شي ولا صج هل مشاكل اثرت فيني وسبب خوفي انا عندي اخت اكبر و اهيا مريضه و فيها اكتئاب هاي شي من ولادتها وانا من صغري كنت طبيعيه و اجتماعيه بس دايمن يوم اسوي شي مايعجبها يحسسوني انا فيني شي يعني اذا صار موقف موحلو حق الشخص طبيعي بيتضايق بس انا يوم انضايق سيده يحسسوني انا فيني شي غلط ترا في وايد مشاكل و احس اني بنفجر و ضايعه صرت اشك في نفسي 😭😭😭 ماعرف شنو الحل