ابي حل مع امي

مدري كيف ابدا بمشكلتي لان مشكلتي مع امي
انا اكبر اخواني ومن جيت على الدنيا وامي مشاكل مع اهل ابوي
مااقول ان امي الي تخطي عليهم لا هم يخطون
وصار بيناتنا قطاعه وكنا نتراضى ونتهاوش لحد ماانا كبرت
وصرت اقول لاامي تتغاضى واتمشي لان مرده في النهايه بتشوفه في عيالها
امي انسانه متقلبه مره اتصير طيبه معهم واتقولي وش رايك نناديهم وانا اشجعها
ومره تكرهم وماتبي تعطيهم اي شي

لدرجة لما اسوي اكل او اي شي يزيد واقول بعطي جداني تقول لا او توافق بس مهب راضيه علي تسكت واهي مارضت
ثم تدور علي اتفه سبب عشان نتهاوش وانا عارفه انها تدور علي بسبب اني عطيت جداني انا ارحم عماني الصغار
بس هي تبي تعطي الغرب على اهل ابوي
واذا شافتني مصممه على اهل ابوي تقول دقي هم يجون ياخذون وغيرهم لا اذا مالقت احد يروح تروح بنفسها توديه

اناا ماانكر امي انجرحت منهم بس بعد امي جرحت
ولو تصير حركه تافهه منهم الحين تقول شفتي وتقعد تتكلم علي
يعني مثلا يعزمونها دايما وماتروح واذا خلوها مره وحده تقول شفتي وماتبي اتعزمهم لو جا عندنا عزيمه
طيب هذيك جدتي ويختلف الوضع
ودايما تجينا بس امي غير ماتروح
يصير امي تتركها ماتناديها حتى لو اتركوها مره وحده مانادوها
لو امي تروح كان اقول يمكن بس امي اصلا ماتروح لهم

امي انجرحت منهم لان ابوي قد تزوج على امي واحنا علاقتنا معهم كانت زينه صح كان الماضي علاقتنا فيه موب زينه
بس بوقت زواج ابوي العلاقه كانت زينه
وافرحوا وانبسطوا مرررررره
وامي كانت مريضه وقتها
مره كنت فبيت ابوي وزوجته الثانيه
وكنا جالسين قالت مرة عمي بكم شارين الكنب
قلت انا كنب كل الغرفتين سعره مايتعدا 2000
قالت جدتي تبي تقهرني ايه مؤقت لين يسكنون في بيت ملك
بس الحمدالله ابوي طلق
وهم ضاقت اصدورهم مره يبونه يرجع الي طلقها

طيب احنا الحين عيال اليوم
والمفروض ننسى الماضي
بس امي مانست
امي قد غلطت عليهم بعد
وشي طبيعي يحقدون
وهم بعد ماقصروا قبل


انا عرفت طبع جدتي والكل عرفه يعني عادي كل الناس تسمع واتطنش امي لااااا يشيل قلبها وماتنسى
جدتي حتى على بناتها تغلط واتجرح فيهم حتى حريم عماني الباقين تنطل عليهم كلام


الزبده انا تعبت
وماادري هل اقاطع عماني عشان امي تنبسط
والا اصير معهم واقهر امي تو تقولي انتي تقهريني معهم ضدي
وتدعي على والله انها امس تقولي الله لايوفقك
كرهت حياتي وش ابي بحياتي وهي تقولي الله لايوفقك
عشان شي تافه بدايته بغيت اعطيهم من غدا انا مسويته
ولاعطيتهم يوم شفتها ماتبي بس حقدت عشان قلت بعطيهم وتناقشنا في موضوعها معهم
قالت لا انتي معهم الله لايوفقك
ومن ضيقت الصدر رحت نمت من3العصر لساعه5الفجر
واصحى واغصب نفسي وانام مليت من حياتي
ولما صحيت جتني قالت شوفي
ياويلك ان وديتي لهم غدا او فطرتي بنتها
لان عمتي والده
بتشوفين شي ماجاك لو طلع شي من بيتي لهم
ان البارح كان عندهم عشاء وماعزموني
طيب امي قبل كم سنه كانت والده ومفطرينها وماقصروا معها من هالناحيه

تعبت ابي حل مع امي