ابي حل مع عيالي 😩😩😩

انا عندي ولدين الله يخليهم لي ويصلحهم ويهديهم
قولو امين
الكبير عمره ٣ وست شهور
والصغير ٢وثلاث شعور
المشكله بالكبير عنيد راسه يابس كلامه وسخ ويتفل علي وعلى ابوي وعلى كل الناس مايعرف الاحترام ولا عليه من احد كبير او صغير
شيب راسي بس ابكي الناس تزن علي كله من الدلع كله منك مدلعته طيب انا جاهله اول طفل ماعرفت اربيه زين طيب وش الحل
ولا يضرب يضربني انا وابوه قدام الناس وابوه مايتحمل ويضربه وكل المكان يلح بصوته وهو في طبع اذا بكى لازم يرجع
وانا ابتلش فيه صرت بس انفذ اوامره اذا طلعنا مكان لايفشلنا
مره رحنا دكتوره عيون وكانت تكشف عليه تفل عليها وقعد يهاوش طاح وجهي عندها
اقولكم وش اسلوب العقاب معه
طبعا جربت اني احطه بالزاويه اذا غلط او تهاوش مع اخوه
حطوها لعبه وصارو يضحكون 😩
اضرب اقوى ماعندي احيانا امي تقول ماعندك رحمه على عيالك
طيب انا من يرحمني الناس اكلتني بعيالي
اليوم قفلت عليهم المجلس واسمع صياحهم يبكون والله مانسوي ازعاج
بس دقيقتين طبعا فتح لان الكبير بدا يكح يحاول يرجع لايدمر مجلسي


اللي ابيه منكم تنصحوني
عندي ١٠اخوان وانا اللي قايمه فيهم ماكانو كذا عمري ماشفت اطفال كذا


اللي حز بخاطري اليوم عند ولدي مراجعه وعنيد قالت اذا انت بهالعمر كذا اجل اذا كبرت وش راح تسوي حسيت ودي ابكي

صرت اقوم الليل واصلي بس علشان الله يصلحهم ويهديهم