ابي حل مع هالخاله

تكفون يابنات عقلي بيشت من كثر التفكير
سالفتي ومافيها اني بمدينه وخالتي ام رجلي بمدينه ثانيه المشكله انا بالاجازات نروح لهم ونسكن بنفس البيت واقسم لكم يابنات شوفونا بالثلث الاخير من الليل بهالشهر الكريم اني اعاملها مثل امي لكن هي ماتحبني ولاتعاملني مثل معاملة سلفاتي رغم انهم معاها بنفس المدينه وكل وحده ببيت ومايعاملونها مثل مااعاملها انا اطيب منهم بكثير وهذا مو مدح فيني يشهد الله .
اليوم جينا لهم وماكأني ضيفه من اول الصيف ماشفناهم يعني اكثر من اربع شهور طبعا اول ماجينا رغم انا صايمين وجينا على فترة العشاء معناها ماتعشينا زين مجرد فطور خفيف ماضيفتني شئ ولاحتى سألتنا تعشيتوا او لا؟ تخيلوا انتظرت لحد ماجات بنتها على الساعه عشره وقدمت لنا القهوه والحلا والتمر قبال بنتها وانا ولاشئ ماهي معبرتني ولاقايمتني من ارضي اصلا...وبعدين الشاي والفطاير بنتها حطت صحن قبالي قامت خالتي واخذته وجلست تأكل عيال بنتها وانا تديني حبه تخيلوا حبه فطاير طبعا انا انحرجت مررررررررررره وتمنيت الارض تنشق وتبلعني حتى بنتها لاحظت تصرف امها وتضايقت لكن ماتكلمت............
طبعا هذا موقف من مواقفها اللي ماتنعد لكن لأني انقهرت من جد ليه كذا والله يابنات حتى غرفة نومي رغم ان عندها شغاله عمرها مانظفتها اللا اول ماتزوجت وجينا من السفر الحين كل مره اجي من السفر وطبعا سفرنا بر لازم اطلع غرفتي وانظفها بنفسي حتى الشغاله ماتخليها تساعدني ورب الكعبه اني صادقه بكل كلمه..............المشكله ان عمري ماصلحت لها شئ يضايقها او يزعلها مني......

طبعا زوجي ماعنده علم بهالسوالف خاصة احتقارها لي في جمعاتنا وانا ودي اقول له بس متردده انتو شنو رايكم.........