ابي حل يريح صراع بداخلي

السلام عليكم
عظم الله اجر كل وحده فقدت غالي ع قلبها
متابعتكم من خلف الشاشه
ولما يصعب علي امر واحتار فيه الجا لكمرفيه بعد الله
ودي استشيركم
قبل فتره توظفت وظيفه وطلعت منه لظرف مو مجال اتكلمرفيها
تحديدا الوظيفه ماكانت مناسبه ابدا رغم اني كنت
مخلصه ولله الحمد والمنه
لقمتي فيه انتهت
حاليا افكر بالرجوع للدراسه مو حاليا
اساسا ابي ادرس من عرفت نفسي لكن زوجي رافض
فالبدايه كان رافض كذا مزاج بدايه زواجتا
حاليا رافض ماديا واحس احيانا انه مايبيني ادرس عشان ماكون متفوقه او ماشابه ذلك
وكثير احس بكذا واحساس ملح بعد
الحين لو موقفه ع ماده هانت بقلبي بس احسه عذر لان ادري يقدر يتسلف ويتصرف
ولي عنده مبلغ رافض يرجعه ومن سنين اطلبه اياه
ممكن يكفي دراستي حتي هو مامعاه بس ناوي يطلع قرض طبعا شايلني من الحسبه
ماتتصورون قد ايش مقفله بوجهي
عندي طموح واعشق الدراسه
ماكان حلمي انثبر بالبيت واكنس وامسح
مقهوره ومابيدي حيله وذبحني العجز
ظروفنا الماذيه مش ولابد لكن علي يضيقها بتصرفاته ويزيد النار حطب فيني
لو غيري طلبه مايقصر يطق ثدره ومستعد يخلقها من تحت الارض لو احنا ننضغط وننزنق ماعنده مشكله راعي فزعات للكل الا انا
وعمري ماحديته لاعلي دين ولاغيره
توظفت زي ماقلتلكم ووظيفتي كان راتبها الفين ظليت 3 شهور ماتوفقت فيها لان وضع الوظيفه ماكان مناسب والتوقيت وتعب ع عيالي وظروف معينه
الحين ودي اتوظف بس طبعا زوجي مايبي اي وظيفه
يتشرط وكان معاي ماستر او دكتوراه عالشروط رغم ان اللي بيتوظف انا مو هو واللي بيتعب انا موهو
جنني موقف كل شي بوجهي ومسبب لي عراقيل ماتنتهي
من وين اجيب حكوميه وبراتب محترم
من وين اجيب شهاده
من وين اجيب موقع مرموق
قهر وربي
ايدي عاجزه
وكلش مقفله
ولاناقصه مشاكل زياده معاه
الحال يادوب يمشي
ولالي مصروف خاص
والحياه صعبه
وزوجي صعب
وطبعه صعب
وانا صرت ماتحمل تصصرفاته وعراقيله لي
عطوني حل تعبت اناقشه
تعبت افهمه
حتي بالنقاش العادي لازم يقلبها مشكله
ماعندي ذهب ابيع منه وادرس
مادري وش اسوي بالضبط
نفسيتي وصلت لمرحله سيئه قاعده اقاومها كل يوم
كل ماطالعت بوجهه وضحكت ونسيت ارجع اقول هو السبب
حرمني كل شي احبه
وبالفعل ترا مو اتهام
كل شي احبه محرومه منه
ماتتخيلون الالم بداخلي من العجز وربي انه اقوا من كل شي خصوصا اني لو درست
الان انا مضغوطه وقاعده تجاهد نفسي بالصبر
احيان حتي ودي ابكي احس بعجز ماقدر ابكي بس العبره بحلقي
ماعترض علي قدره ربي
بس يابنات هو بيدفع ترم ترم وعلثها ترم ترم
مايقدر يشيل من راتبه كل شهر 500
ابد مو معقول
ماطلبته شي مستحيل
دراستي بتكون عن بعد
ليييييييه ؟
اللي بتقول ليه ماشرطتي بالعقد
يابنات شرطت بس الله يساخح من كان حاضر
كلهم قالو دامه موافق ليه تكتبينه
وقتها كنت صغيره لما تزوجت
وهو قال مارفضت بالعكس احب العلم
خلوها تدرس
والحين !
لاشهاده
لاعلاقات اجتماعيه
لازيارات
لادراسه
لاوظيفه
لاسوشال ميديا
ولاااا شي
كثير احس بغصه
كانت عندي معاه مشاكل من قبل
عشان كذا تعبت مدري كيف احل النوضوع من غير مشكله
وش اسوي ابي راي سديد
وحتي لو قاومت وقلت بدرس طيب غصب
كييييف وكل ماملك معاه
حشا يابنات ماني من النوع اللي اتمنن لاوالله
ان رجعها لي ماعافها وان مارجعها الله يحلله ويبيحه
ماحب اتمنن ع احد بفلوس ويشهد ربي علي
بس مخنوقه من القعده لاشغله ولامشغله
رافض ابيع او اطبخ وانا اصلا مو من هواياتي ولااحب كذا
فوق هذا كله مايبي احد يعرف اذا انا احتاج شي او لا ؟
اطباعه غريبه متناقضه ومتعبه بالنسبه لي
علموني وانصحوني وشورو علي
ربما اجد وحده منكم عقلها براسها ورايها راجح عندي واخذ منها مايفيدني ولايهونو الباقيات
باختصاااااار
مغتثه 😔