ابي خبراتكم ياامهات بالتعامل مع البنات الصغار؟؟؟؟

وينكم ياامهات؟؟؟

الله يصلحها لك يارب

شوفي ياقلبي.. بهالعمر ياتكسبين بنتك طول العمر ياتخسرينها(لاسمح الله) طول العمر.. اعرف بنات تزوجو وفيه فجوه بينهم وبين امهاتهم لانو ماكسبوهم بهالعمر
احذري من الدعاء عليها اذا غضبتي تراهم يخافون وممكن يسبب فجوه بينك وبينها
سايسها ومازحيها وامدحيها حتى لو غلطت لاتصارخين وتهاوشين قولي لها بهدوء لو سويتي كذا كان احسن
دلعيها واذكري لها محاسنها وحسسيها انك تحبينها
احتضنيها ترا الحضن له تأثير كبير على البنت
اسمعي قرقرتها حتى لو هي ممله وايااني واياك تقولين ازعجتيني ولا كلام فاضي
اصغري وانزلي لعمرها.. لاتتوقعين انها تبي تكبر وتصير حرمه وتفكيرها تفكير حريم بسرعه

خصصي وقت تطلعين معها وتمشين انتي وهي
وبما انك حامل وتعبانه خوذيها معك اذا رحتي مراجعات وسولفي معها وانتي بالانتظار

لاتنهينها عن اشياء تحبها حتى لو ماتحبيتيها

اذا قالت لك عن صديقاتها شي اثني عليهم ولا تسبينهم الا لو في غلط وجهيها انها لازم تقول لهم هذا غلط لانها تحبهم

انا عندي بنات ولله الحمد كسبتهم بهالطريقه وهم الحين كبار (ثانوي ومتوسط)

واهم شي وفوق هذا كله.. اكثري من الدعااء ان الله يصلحها

الله يجزاك الجنه اخت غاده اه بس من وين يجي الصبر

اللهم ارزقنا الصبر يارب

انا عندي بنت 8سنوات ومثل حالك بس اخر الليل قبل تنام اضمها وابوسها وصارت من نفسها تتاسف وخفت عناد

الله يصلحها ويهديها يا رب
ويرزقكـ برها .. والجميع ان شاء الله ..