ابي خبرتكم بالادوية اللي تحط على جسم الطفل بالاربعين

السلام عليكم الموضوع حبيباتي واضح بعد ما تطلعي من المستشفى وخاصة بالعشر الايام الاولى العجايز والحريم السنعات يلبخوا على جسم الطفل ادويه يلبخوا يعني يصبخوا او للي مو فاهمين يضعوا قناع على جسم الطفل بالليل ويلف بشرشف لف كويس والصبح على الساعة ثما ن يغسل الطفل غسل زين ويدهن جسمه بزيت الزيتون او اي زيت ترغبه الام

هاه فهمتوا يالله قولوا لنا وش تحطون على اطفالكم بالاربعين ترى الخلطات هذي مفيدة جدا تنظف جسم الطفل وعلى قولة امي تنثر حاله يعني تخلي طفلك يكبر بسرعه وخاصة بالاربعين اذكر وحده كانت تقول اعيالي اذا جبت الواحد اجلس عشر ايام كل ليله احط من هالخلطة علشان تخلي جسمة قوي يتحمل البرد حتى اذا كبر لدرجة ان اعيالها ما يعرفون لبس الشتاء واذا جيتها اقولها حرام عليك الجو بارد لبسيهم وتقول لا ما عليهم فعلمتني بسر المهنه بس للاسف انا ما كتبت الخلطة وضاعت مني وجارتي شدة ولا ادري وين اسكنت

وعندنا عجوز تقول اذا جاء الطفل لازم العشر الايام الاولى نحط له خلطة مكونه من شوي حنا وشوي حلب وشوي سدر ومحلب نطحنهم ونخلط معهم شوي زيت زيتون وندفيهم على النار ونضعهم على جسمه ونلفة بشرشف مناسب تقول الطفل بسم الله عليه ينز شوي يعني يكبر ويكترب جلده ويقوي عظمة

عاد يالله يا اخوات عطونا تجاربكم في مثل هالخلطات خاصة الاخوات اللي عندهم خبرة وتجارب بهالموضوع علشان نستفيد الله يجزاكم خير