ابي خطه تغيير بنات ....

السلام عليكم
بنات قريبتي ذي متزوجه من عشرين سنه ماشاء الله
طيبه مسالمه جدا متسامحه جدا تسبينها وتجرحينها ترد الله يسامحك
وهذي مشكله من مشاكلها ..مع انها صفه جميله بس مو لدرجة الضعف
تزوجت بعمر 16
زوجها طيب بس عيبه يسمع لاهله وبنفس الوقت شخصيه متملكه ويمارس الفوقيه..
يبيها اله متحركه يوجهها وين مايبي على كيفه
تتصرف من راسها يااااويلها يسوي سوالف على راسها
مثال
اول مره تصاحب صاحبه وبالقوه سمح لها
يوم طلعت عزمت صاحبتها عطاها حق العزيمه ...وماقصر وكرم حاتمي ..


المهم يوم شافها فرحت وحبت صاحبتها قلب فجأه وصار يتهمها تصاحب بنات مو صاحيات !!وانها مقصره بحقوقه وممكن يتزوج عليها اذا استمرت كذا!
وراح شكى لاهلها وسوا سالفه وكبرها ع راسها علشان تقطع صاحباتها ....وللاسف اهلها يستخدمون نفس طريقته لانهم تعودوا ان شخصيتها ضعيفه وماترفع راسها ..
راحوا كلموها واتركي صاحباتك اهم شي زوجك ليش مقصرخ بحقوقه !
(للعلم اهلها الرجال يقرب لهم جدا ومعتبرينه ولدهم وهو معتبرهم اهله )


طبعا الشي الثاني
هي جميله جدا جدا وفاتنه لدرجة انها تصير اجمل وحده بقريتنا وقريتنا فيها جميلات ماشاء الله بس تعتبر اجمل الجميلات ..ماشاء الله اذكروا الله 🙂
ماانكر انه جدا غيور عليها
وبنفس الوقت من تزوجها واهله وخواتها يحاولون يحقرونها لين ضعفت شخصيتها
طبعا هي سكنت معاهم كم سنه
وكانوا يحسدونها اذا زوجها لبسها لبس غالي ويحبون يتجسسون عليها ويضربون عيالها
عااااانت معاناه معاهم وصبرت وسكتت ..


وعقبها استقلت ببيت وصاروا يحرضون زوجها ويحقرون طبخها وشغلها حسبنا الله ونعم الوكيل
صارت كلما قدمت اكل قال اكلك ماصخ وكلما طورت طبخها يسبه وصارت ماعاد تحب تطبخ له اكلها روتيني له انسانه محطمه جدا
والمدح بخواته وحريم اخوه


والمشكله اهله مايبونها واذا جاهم ضيوف ينادون ولدهم بس
وعند الضيوف يسبونها انها ماتبي تجي كره للضيوف


كلمتها كذا مره يافلانه قوي شخصيتك وواجهي .. حاولت بس ماقدرت خوات زوجها قليلات ادب ..
ويسوون عليها سوالف ..
ونشروا عليها سوالف بين الناس ..
بنات انا قاااااهرتني لان الناس محقرينها ولو افتح مواضيع مشاكلها بتنصدمون بس لخصت الموضوع ..


زوجها واهله مره مسيطرين واهلها مره الله يهديهم مايتكلمون يقولون دام ساكته مالنا دخل !م
ره مره قاهرتني
هي تعرضت للعين وتعرضت للسحر بس سلمت من السحر الحمدلله
انا خلاص ماعاد اقدر اشوفها ذليله كذا
مرررررره قاهرتني خصوصا زوجها هو السبب في انعزالها عن الناس واهله كملوا


بنات انا نويت اغير شخصيتها بس ماادري كيف .. وراح اتواصل معاها عالاقل تدافع عن نفسها وتاخذ حقها
لاتقولون تخبيب ..مو ناويه تخبيب وربي
بس لازم لازم اغيرها لان ماتواجه ابدا
وعابشه بزمن قديم جدا مع زوجها واهله ..


حرام ذبلانه وشعرها طايح واهل زوجها مره مره ظالمينها
الله ينصرها نصرا عاجلا غير اجل وياخذ حقها ..


احتاج رايكم كيف اغيرها .... الموضوع مو هين جدا صعب علي علشان كذا جيتكم
نسيت اقولكم اني كلمتها وقلت لها خلاص يكفي ضعف لازم تغيرين نفسك وانا بساعدك باذن الله
فرحت وربي بس فيه شي ماذكرته لكم
زوجها مخترق جوالها ببرنامج تخيلوا
تقول يقرا رسايلي وجوالي بعيد وانا جالسه عنده من جواله يعرف مين يراسلها ووش يقولون ..


طلبت مني اشوف جوالها
طبعا جوالها ايفون وصعب مااعرف للايفونات
حاولت ادخل برامج حمايه رفض الجوال
كاسبر انتي فايروس ومن هالبرامج ..


وربي هالزوج يقهر .. هو واهله
لاحد يقول تطلق .. لان عندها صغار متعلقين بابوهم مره ..


ابي خطه تغيير بنات نوروني الله ينور حياتكم ..


لاحد يجي ويقول مالك دخل
او يسب او يغلط ...او ردود صغيرات العقول اللي مالها داعي ..وان شاء الله هالنوعيات جدامن قليل بالمنتدى
ابي ردود للمثقفات الواعيات الحكيمات بنات حواء اللي اعرفهم ..🙂