خلج لج :

حبييباتي انا توني مشاركه معاكم وجدا مسرورة بمواضيعكم الرائعة . عاد انا ذبحتي هذي السوالف خلطات وكريمات وماسكات. وعندي لكم طريقة جدا رائعة لحمام البخار عندنا في قطر يسمونها حمام كليوباترا سمعوا حبيباتي : اول شي تغسلين جسمك بماي دافي وبعدين تحطين الصابون المغربي وتدخلين حمام السونا المنتقل اللي عندك اوكى لمدة ربع ساعة تقريبا . حلو . حلو ثانيا: تطلعين وتغسلين جسمك بالماء فقط ثم تفركين باللييفة شوفي اللبلاليط اللي راح يطلع منك خلي اختك تفركك احسن علشان ماتنصدمين من بلاليطك ههههههههههههههه ثالثا: تكونين مجهزه لك كركم مخلوط بزيت (زيتون أو لوز اللي يريحك) (له تاثير رهيب ) وتدهنين جسمك به كامل حتى وجهك وتدخلين حمام السونا لمدة عشر دقايق وبعدين تطلعين وتفركين جسمك بالليف بس هذي المره على الخفيف اقل من المرة اللي قبل. رابعا : تدهنين جسمك بخلطة الروب والسدر تكونين مجهزة خلطاتك قبل الحمام ووتدخلين حمام السونا لمدة عشر دقايق وبعدين تطلعين وتفركين جسمك. خامسا: تدهنين جسمك بخلطة الحمص المطحون والحليب (حليب رينبو او لونا لونا ارخص هههههههههههه) وتدخلين البخار لمدة عشر دقايق وبعدين تفركينها عدل هذي الخلطة تبيض وتشد الجسم روعه . هذي آخر دخلة لك في البخار هههههههههههه فتكيتي منه :09:. بعدين فركي جسمك عدل بالليفة . آخر شي فركي جسمك بالسكراب مال بودي شوب اللي بالفراولة هذا المفضل عندي او اللي بالتوت أنت والنكهة اللي تحبين ريحتها علشان الريحة. حبيباتي نسيت اقول لكم أي خلطة لا تنسين تحطين منها على وجهك لآنها تعتبر ماسك طبيعي ما عدى الصابون المغربي طبعا . وبعد ما تطلعين نشفي جسمك نص تنشيفه وقفي على البخرة لين جسمك يتشبع بالبخور (حطي من العود بالعنبر خيال ريحتة) وبعدين حطي بودرة استي لودر وايت لنين خيال ريحتها .وشوفي النعومة والنظافة والبياض حتى النقط السودا في منطقة من الجسم راح تروح :icon28:جربية أول شي مرتين بالاسبوع بعدين مرة بالاسبوع بعدين مرتين كل أسبوع وصدقيني راح تتخبلين على جسمك ولا تنسون أنكم تدعون لي .:27: وخبروني بالنتيجة بعدين. اذا حابة تحطين مرطب أوكريم بعد الحمام مافيه أي مشكلة اتمنى أني أفدتكم.

حبييباتي انا توني مشاركه معاكم وجدا مسرورة بمواضيعكم الرائعة . عاد انا ذبحتي هذي السوالف خلطات...