ابي دكتورة نساء بمستشفى اهلي بالرياض تعطي اجازات بالاسابيع....

حبيبتي نصيحه لوجه الله خلي زميلتك تخاف الله في عملها وتحلل الراتب

صدقيني لو تحتاج اجازه بالشهور مو بالاسابيع كان اقرب مسشفي حكومي اعطاها اياها

ولكن اذا المساله تعبت وطفشت....فهذا راجع لضميرها ولضمير الطبيب

واعتقد وزاره التربيه ..والمدارس لا تقبل اي تقرير اجازه من مستوصف او حتي مستشفي اهلي

هذاا نصيحتي لها
وكلها كم اسبوع واجازه العيد وبعدها بقليل اجازه الربيع

فاتقوي الله يا مدرسات
والمريض ما يحتاج لهذا الاسلوب....لان المرض يجبر اي طبيب يعطي اجازه

انا موظفه وحملت ورحت وجيت
وكنت اخاف الله انني اخذ اجازه ليست من حقي ...بس عشان ماينتكس مردودها ع صحتي او اولادي

اتمني ان تفهمي ما رميت له

شوفي انا حامل في الشهور الاولى وعندي اجهاض منذر وكل اسبوعين اجدد الاجازة
لكن انا بعذر ومتى مااستقر الحمل وخف الوحام والغثيان والقئ راح اداوم
واذا تبي اجازة شهر او شهرين لازم تتنوم لو يوم واحد

حبيبة فهود الله يجزاك خير بس هي طالبه مني اسوي لها الموضوع وانا مالي دعوى وبالنسبه لك ياتويكسايه الله يهون عليك ويتم حملك على خير..

رأيي من رأي حبيبة فهود جزاها الله خير

فالعمل يتطلب الأمانة والإخلاص , والمؤمن لا يأخذ أجرا من دون وجه حق .

فلتصبر وتحتسب الأجر عند الله طالما حالتها تسمح بمزاولة عملها وإن كان بشيء من التعب فمن ترك شيئا لله عوضه الله خير منه

كما أن وزارة التعليم بالفعل لا تعترف بالتقارير الطبية الصادرة عن مستشفيات أهلية وإنما فقط تعتمد ما تقرره المستشفيات الحكومية

الله يهون عليها ويتمم حملها على خير

مع احترامي لكل الردود بس الظاهر ان اللي ردو مو مجربين العمل خارج الرياض يعني يوم تطلعي من بيتك الساعة 3ونص الفجروماترجعين الاالعصروفوق هذا حمل وشغل بيت وعيال وتستمرين بهالوضع 8سنوات او اكثروغيرك تنقل عند بيتها بخلال شهر او شهرين فقط بعد الدوام بدون وجه حق الاانه عندهاواسطة هذاكله موحرااام والله ان المستشفيات الحكومية ماترحم الله حسيبهم رحت لقوى الامن وانا باخر التاسع وعندي الام الطلق تقولي الدكتورة مافيك شئ لو كان عندك طلق كان ولدتي ورفضت تعطيني اجازة وبالنهاية طلع الرحم فاتح 6 سم بدون طلق وولدت بعده بيومين مااقول الاحسبي الله ونعم الوكيل على الوزارة واللي فيها000 اختي انا بارسلك على الخاص اسم المستشفى والدكتورة وماابي منها الا الدعاء بان ربي يهون علي لاني حامل ويرزقني الولد الصالح0