ابي رأيكم في شي مهم :(

هلا حبيباتي ... ابي اقوللكم عن مشكلتي وابي كل احد يدش لموضوعي يقولي رايه ارجوكم لاني من صج محتاجتلكم ومحتاجة لنصايحكم :(
بالبداية بقوللكم عن القصة بالتفصيل ... في شخص ياي يتقدملي وانا على معرفة بالشخص من سنتين تقريبا كنت باخر سنة جامعة وتعرففت عليه وما خبيت على اهلي وقلتلهم انه في شخص يبيني وقلتلهم كل شي عن الولد وهو كان معاي بالجامعة... ابوي كان متفهم معاي لانه الولد وايد زين ومن عايلة محترمة وقالي انه يبي يشف الولد ... شاف الولد وقاله بعد ما تكون نفسك ولو البنت كانت من نصيبك فانا ما عندي اي مانع ... وفعلا الحين قبل اسبوعين اهل الولد جو عندنا يتقدمون بس امي شكلها مو موافقة :( مو علشان الولد مو زين ، بالعكس الولد زين وشغله وايد زين ويكفي انه حرم نفسه من اول ما اشتغل علشان يجمع المهر والشبكة .. بس اسببها ابدا مو مقنع :( اتقول انه الناس فقارى وعلى قد حالهم فشلون راح اتعيشين معاهم :( انا والله احبه من قلبي وهو بعد يحبني وهو قايل حق ابوي انه راح نسكن بشقة بروحنا وبياخذ شقة جنب بيت اهلي علشان اكون قريبة منهم بس امي مو مقتنعة وتقول انه عندي بنت وحدة فشلون ازوجها حق واحد جذي وشنو الناس اتقول عني :( والله الفقر مو عيب دام الولد طيب ومن عايلة محترمة ويعرف ربه ... بس ابوي وايد عاجبه الولد ويقول انه الولد شاريج دام من اول ما اشتغل ما فكر حتى انه يستانس بمعاشه ولا فكر انه يعمل اي شي غير انه يجمع مهري :( المهم انه امي وافقت بالنهاية .. بس خفت لاكون انا غلطانه وعلشان احبه قاعدة اجازف وما اعرف شنو مستقبلي .. سالت وحد من قريباتي وقالتلي انج وايد مسكينة لانه من النوع اللي وايد يتحكم فيج وما يخليج تطلعين ويانا ويحب يفرض سيطرته عليج :( وسالت وحدة ثانية قالت راح تندمين بعدين لانج مو متعودة اتعيشين جذي وشلون راح اتزورين اهله ... بس انا والله مو من النوع المتكبر اللي يشوف الناس من فوق وانا واجبي بيكون اتجاه اهل زوجي ولازم علي اني اعمله ولازم ازورهم على الاقل بالاسبوع مرة بس ما ادري ليش كل احد يرمي علي الكلام من صوب :( وما اعرف شلون اتخذ قراري ...اخاف لاني احبه اشوف كل شي زين فيه وما اشوف السلبيات :( بس ارجوكم ساعدوني ولو عندكم اي سوال انا حاضرة بس ابي احد يساعدني