ابي رأي سريع وصائب + أسألتي + صورة بويضه بسرعه

تأخر الحمل

صباح الورد عزيزاتي

شخباركم؟ عساكم بخير !


فديتكم .. انا سرت امس للدكتورة وكنت باليوم الثامن للدورة
وقالت في بويضة طور النمو تعالي باجر الصبح بعطيج ابرة تفجير
عاد انا من اول الصبح سرت طيااااارة

المهم شربت ماي وايد والمثانة مليانه ﻻن ابي السونار من فوق مااحب من تحت ابد >> من تحت كابوس بالنسبة لي خخخخخ.

المهم حبيباتي
شافت بالسونار وحصلت بويضه
امس تقول انها جريب توصل 18 وانا فرحت
واليوم قالت ﻻ هي حجمها اليوم جريب ال15.7
صراحه مافهمت منها شي
مدري تستهبل وﻻ من صدجها وﻻ كلش ماتعرف

المهم قالت تعالي بعد يومين بتكون ناضجة وبعطيج ابرة
علما انها حصلت بويضه وحده فقط

السؤال :
انا صار معي ظرف طارئ ومضطره اسافر لأمي الحين ومسافة ل بيت امي 5 ساعات

الحين بسافر .. بعد يومين بروح عيادة يم بيت امي بتابع تبويضي نفس ماقالت لي الدكتورة واذا حصلت بويضة حجمها زين بشتري ابرة تفجير وبخلي الطبيبه تضربني

تصدقون والله احس نفسي دكتورة
حتى دكتورتي سالتني هل انتي بتدرسين طب
قلتلها ﻻ من زود ما الفلف وافرفر ف منتديات والانترنت ومن زود البلا صرت عالمه هههه الحمدلله

الحين اذا حصلت البويضة حجمها كويس
شوركم اخذ ابرة 5000 وﻻ 10000

وشو الفرق بينهم ؟؟؟
ﻻن المره الماضية بويضاتي 26 و 16 وعطتني 10000 وﻻ صار حمل


وسؤال اخير

شوفو هاذي صورة السونار
هاذي المثانة الكبيرة ... والبويضة الدائرة السوداء

بليز شوفو هل شي تكيس؟؟؟؟
ﻻن قبل 5 اشهر قالولي فيج متوسط عقب قالو بسيط
ونحفت 7 كيلو والدكتورة لما اسالها هل شي تكيس
مره قالت اقل عن قبل ومره قالت ﻻتهتمي به
ومره قالت لين ماتموتين هو فيج مايتغير << اعوذ بالله فالها ماقبلناه

وهاذي الصورة
وانا اسفة وايد ادري طلعت لكم قرون
بس عاد تحملوني محد لي غيركم بعد الله
ريلي احسه زهق
5
659

يلزم عليك تسجيل الدخول أولًا لكتابة تعليق.

تسجيل دخول

احاسيس غير
احاسيس غير
حرام عليكم عمري ما رسلت شي وبرد قلبي
ﻻزم انتظر ساعات وايام

عفيه يلا ردو
دموع الوسادة
دموع الوسادة
عادي حبيبتي تتابعي تبويضك عند دكتورة ثانية
وقوة الابرة ماعندي علم بس الدكتورة هيه اللي تحدد
ان شالله تحملين هالشهر يارب
وماعندي علم بصورة السونار ان شالله يفيدوك البنات
متوليته
متوليته
تابعي وبرائي خذي قوة 1000
احاسيس غير
احاسيس غير
رفع
مزون¤
مزون¤
كملي متابعه عند اي دكتوره وبالنسبه لقوة الابره ماعندي خلفيه
ضحكتيني لما قلتي عالمه
حتى انا احس اني صرت دكتوره لما اروح للدكتوره وتقول لي شيء اسأل واناقش حتى هي تستغرب