ابي رائي سددددديد في وضع صديقتي

بسم الله الرحمن الرحيم ،

السلام عليكم ياحلوات،كيفكم ان شاء الله بخير :(
اليوم بقولكم مشكلة صديقتي << بنوع من كثر ماكتبت عن مشاكلي هههههههههههههههههههههه
الله يسلمكم صديقتي متزوجه من ثلاث سنوات وعندها بنوووووووته حلوه عمرها سنه وشهرين وزوجها بجده وهي بالرياض موظفه ولاسبق قدمت بسبب اقولكم عنه نقل وهو يحبها وطيب معها بس فيه حاجه وحده وهو الشك شكاااااااااااك وهذي مو المشكله الي ابي اتكلم عنها
الوضـــــــــــــــــــــــــــوع الاساسي او المشكله الاساسيه هي



اهــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــله
طبعا هو الولد الوحيد وله اخت اكبر منه بس ماتزوجت والولد اصغر منها بسنه البنت مدلعه من الام اكثر من الازم والولد شايل الهم الي بقولكم عنه المشكله الاساسيه هي الام، بيتهم دور مستأجر اقرب للشقه!! عندهم خالتهم مطلقه ولها طفلين بالرغم من ان اخوانها بيوتهم كبيره وحالهم ميسووور!! زوج صديقتي وظيفته بالاتصالات وبيتهم مايخلو يوميا من الزيارات سواء من اخواتها او اخوانها وصديقاتهاالي هي الام واحيانا يباتون باليوم واليومين!! وهي لها غرفه ودورة مياه وكان لها مجلس بعدين صار مافيه استغل !!الام هذي مصيطره على الولد تمااااااااااااام ولايرفض لها طلب!! تغار غيرررررررره من صديقتي !!مع ان صديقتي اقسم بالله طيبه لابعد حد لدرجه كنت اقولها من طيبتها انتي هبله!! كان بدايه زواجهم يعطيها مصروف صح انه مو كثير بس عشان ظروفه تقدره وكانت ترفض اول مايعطيها وتقول انا موظفه ماحتاج!! الشي هذا اختفى نهائيا ولاعاد تشوف منه قرش مو هينا المشكله خاصه بعد ماجت بنته!! كانت تقولي عن ظروفه وانه ماعنده وانا اقولها لاتنسين نفسك بكره بيتعود المشكله ان اهله مرفهين لابعد حد يعني مثلا اخته لها جوالين تصل فواتيرهم لالف وزياده!! وياويله لوحاسب اخته او زعلها!!غير تليفون البيت تصل فاتورته لسبعميه وتلبس ماركاااااااااااااات ووعزايم صح تقص ظهر المليردير وطلعات وخرجات ولا كان راتب ولدهم 400 وهذا غير خالته ومصاريف عيالها من البامبرز الي ادق شي ولا بعد اللبس والكشخه والدلع لعيال اختها وياويله لو زعلهم ولا قالهم شي!! صديقتي تجيهم بالاجازات وماتصدق تخلص الاجازه عشان ترجع لاهلها هذا هو السبب الي خلاها ماتقدم للنقل وهو مصر على انها تنقلوهي تتحجج بانه ممكن يحطونها بقريه بعيده عن جده واخر مره قالت له يوم درى انها ماقدمت وعصب عليها ن بيتكم ضيق حتى الحمام صار مشترك!!قالها اذا تقصدين خالتي بيرجعها زوجها والانسان يحب الجمعه وياما ناس عاشوا بغرفه ومن هالكلام هي قالت خلاص السنه الجايه يصير خير
صحيح كلامه الناس تعيش مع بعضها لو بغرفه بس اذا اقلوبهم على بعض!!لكن مثل ام زوجها ماتحتمل تحكيلي صديقتي عن مواقف تقهر منها مثل مره كانوا جالسين اقترحت صديقتي يروحون زياره لصديقه للعائله حبتها صديقتي لاخلقها هي يوم قالت صديقتي كذا تخيلوا وش قالبت قالت لا والله مانروح لها ولاحنا برايحين الايام هذي لها وهي عارفه ان صديقتي خلال ايام وبتروح شوفوا شلون فشلتها قدام زوجها وقدام اخته وخالته وترمي كلام وصديقتي ساكته وبالتأكل بنفسها تخيلوا يابنات في رمضان الي فات راحت لهم يوم واحد عشرين ووصلت لهم السعه 12باليل ولالقت احد بالبيت غير خالته وعيالها الام وبنتها كانوا رايحين للصلاه وبعد الصلاه راحوا يتسيوقن ولا رجعن الا الفجر يوم الضعيفه نامت!!وفي العيد يتجمعن ويروحن هن وبنات خالهن وحريم خوالهن ولا يقولن لها!!
ومو اول مره يسون الحركه هذي العطله الصيفيه يوم جتهم برضوا مالقت غير خالته وهن عارفات انها بتجي ولا شافنها ولابنتها من سبع اشهرالي المفروض يشتاقن لها لكن!! اول ماجابت صديقتي بنتها تخيلن ان امه ماجت ولاشافوها الا بعد ماخلصت الاربعين ولما تشرهت عليها وانك ماجيتي تشوفيني قالت مشوار وانشغلنا ومن هالكلام مع ان لها اخوان بالرياض واول مايولدون حريمهم تجي هي وبنتها!! واخته ماجت لكن بعد ماولدت صديقتي بشهرين ولدت زوجت خاله وجت امه واخته بعد ماصار لها اسبوع!!وطبعا ماكانت اخته ناويه تجي صديقتي لكن زوج صديقتي غصبها وقال عيب عليك تجين ومااتشوفين بنت اخوك الوحيد وجت وجلست نصف ساعه هي وامها وبعدين راحوا !!وتصدقن يابنات ان امه واخته عمرهم مارفعن التليفون وسألن عن حفيدتهن مع ابوها كان احيانا تتعب البنت ويعلمهن بس مدري من وين قسات القلب هذي!!
هي تقول انه العيد هذا مااطرى لها انه بياخذها لاهله وهذا اكيد بناء على رغبتهن وانا اقول لها خليه يجي ومو لازم تروحين لاهله اقضوا الاجازه بالرياض وخليه يتقضى لك ولبنته بس هي ترحمه تقول مسكين مطفراته وعليه من الديون لين قال بس وانا اقول لاتعودينه انه مايتحمل مسؤلية بنته وبعدين امه واخته اقرب الناس له وماارحمنه بمصاريفهن الزايده وشوفي عمره ماقال شي ودايما اقولها لاتنسين حقوقك فيه وحق بنته المسكينه الي والله يابنات انها ماشاءالله عليها تأخذ قلب الي يشوفها وانا لما اشوفها ارحمها من عمه وحيده جاحده وجده ماتعرفها وتصدقون يابنات ان الام مخليه عيال اختها المطلقه مايقولون لولدها غير يابابا وهو حاسبهم عياله الي ماخلفهم اما بنته!!مايشوفها غير كل شهر مره خميس وجمعه بناء على رغبه الام!!واساسا تستغرب من ابوها اذا جاء هم ماتنلام!!والسنه الماضيه لما كانت حامل وكان يقولها باخذك باجازه عيد الفطر بعدين غير رايه وجاها بالرياض واخذ اسبوع واكتشفت انه امه ماتبيها تجي لمهم وفي اجازه عيد الاضحى كان برضوا بياخذها لاهله بجده وقبل الاجازه بيومين قررت الام انها تعيد بالرياض عند اخوها واختها المطلقه جلست بجده وامرت ولدها يقعد عند خالته عشان ماتخاف مع ان بيتهم جنب بيت اخوها!! وحرمت زوج صديقتي من انه يجي لزوجته يعني لاراحمه ولامخليه رحمت ربي تنزل!!وامور كثيره كانت تقولها لي بس يكفي الي قلته
هاه وش رايكم بحاله صديقتي مع ام زوجها الي ملتزمه وتصوم الثلاث البيض وغير ان صديقتي عمرها ماغلطت عليها ولا جرحتها هي وبنتها بس الغيــــــــــره ياترى تسوي كذا؟؟؟
ابي رايكم وشلون تتعامل مع اسره زي كذا وزوج بداء يسمع كلام امه في امور ويسمعها لزوجته مثلا لما صديقتي يصير بينها وبين زوجها خلاف بسيط كرر عليها اكثر من مره احمدي ربك لو غيري قال اخوانها عندها يودونها انا لما تقولي كذا اسالها هاوش رديتي عليه تقولي اسكت (هو عادتا يطلعها غلطانه لو هو الغلطان)
انا انقهر اقولها ليه ماتقولين الله يخلي لي اخواني وابوي مو مقصرين بس انت زوجي مسؤله انا وبنتك منك
يالله انتظر ارائكم