ابي رابكم

بنات انا من فترة قصيرة كتبت موضوع عن حياتي الزوجية وانه زوجي حيييل مقصر بحقي في كل شي . يعني بنات انا متزوجة لي 7 سنين وعندي عيال ومن بداية حياتي مشاكل ورحت لاهلي ورجعت شقتي جم مرة وكان يمد ايده ويغلط علي بالكلام المهم الحين ماقام يسوي جذي بس حياتي مملة مو حاسة بالسعادة معاه وانا خلاص كرهته من تصرفاته معاي ومن تجاهله لي , يعني تخيلو مايقعد معاي مايسولف معاي الا بالضرورة مايضحك مايتغشمر وايد يتأفف حتى اذا سافرنا كله مشاكل واهوا عنده مشكلة مالية تخيلو بنات حتى تلفزيون ماشوفه يا انه يخليه حق اليهال او يقعد يتابع افلام ومسلسلات اهوا موحارمني منه بس حتى لوبشوفه راح اكون بروحي يعني مافي تقارب بينا وحتى مايقرب مني تقريبا الحين صارلنا شهرين واهوا ماقرب مني وحتى اذا تصالحنا مايقرب مني الا يمكن كل 3 اشهر مرة والله تعبت من جفافه وصمته معاي والمشكلة جم مرة كلمته وقلت له لاتحقرني انا زوجتك الله مايرضا جذي تعاملني يقولي اوكي انتي بعد تكلمي وانا اتكلم اكثر منه بس اهوا بااارد معاي ويرد على طبعه وآخرتها امس بالليل بنتي فتحت تلفونه الثاني من غير قصد واهوا ماكان في البيت جان اشوف في تلفونه الثاني الغير اساسي انه مصور حسابين حق الجنس اعوذ بالله والله حيل انقمت قلبي وشفت بالفيس بوك انه ضايف بنات وارقام بنات , وهذي مو اول مرة ادري انه يتعامل مع بنات بس واجهته من قبل وانكر وقالي راح امسحهم بس احس الريال عنده شي مايدري عني يا بنات والله اكتب لكم وودي ابكي من الهم اللي فيني
معقولة في ريال جذي مافي احساس بالمرة