ابي رايكم ارجوكم زوجي يبي نرجع لبعض

الله يدبر لك الصالح من امرك

استخيري ربي واستشيري ذوي الخبره

والله يكتب لك الخيره فيه

هههههه اسفه اسمحيلي اني ضحكت بس هذا نفس الي صار معاي كان زوجي حييييييييييييييييييييل شكاك لان مجرد شاب ماجرب العشره بين المراه والرجل ولا حس فيج ولا حبج الين الحين ممكن يكون الحين في بينكم اعجاب بس ماوصل للحب بين الزوجين وصدقيني مجرد ماتزوجون كل شي بينتهي وهذا اللي صار معاي بس لازم تكونين مطيعة وخجووله ومتزينه دايما له صدقيني راح يحبك بسرعه وراح يثق فييج ..
ولا زم تستخيرين بالاول واللي فيه الخير يجدمه الله.
تحيااتي

اي شاب يكون غيور وشكاك مع مرته دليل انه كان يعرف بنات اول ويخاف ان مرته تكون زيهم

كثير ناس قالوا لي كذا

بصراحه اول زواجي كان زوجي شديد معي مع انه ملتزم

يعني يفتش جوالي

واذا احد ناظرني باالسوق فتح محظر

كان يمنعني من الطلعه لقرايبي

لدرجه بغيت انفصل عنه

خصوصا اني كنت دلوعه اهلي قبل مااتزوج ومايرفضون لي طلب

بس الحين بعد مرور سنتين الحمدالله تغير لأنه عرفني وعاشرني

بس من ناحيه المشاكل موجوده بس الحمدلله على كل حال

انتي لاتنفصلين مو سهله كلمه مطلقه

هدديه انك راح تنفصلين وانك مليتي من تصرفاته وتعبتي معاه

اطلبي منه انه يكسبك مو ينفرك منه


بس راح يتغير صدقيني

الله يسخر لك زوجك

انا رايي غير
اللي هذي بدايته انحاااااش منه
الغيره تنتهي بشك ودمار بيوت
واذا في شي فيه شك يعني انتي شاكه من اولها في تصرفاته وغيرته هربي احسنلك لا باجر يسويلك بلاوي ويحجرك بالبيت
هذا رايي ّّ!

حبيبتي انتي..لا تفكرين تنفصلين...بس الاهم الاهم الاهم...حطي اهلك في الصوره...وقولي لهم كل اللي سواه وخلي ابوك يكلمه بنبره حاده شوي ويقوله بنات الناس لعبه...ابطلق ابرجع..وكله على اساس اوهام ما لها اي اساس من الصحه!!
صدقيني اذا ما حطيتي اهلك بالصوره بتندمين..
خليه يدري من الحين ان وراك اهل..ولا والله بعدين تقوا عينه..بيقول ما وراها احد هاللي اتهمتها في عرضا..ولا احد حركت ساكن يعني بيحركون ساكن في غيره...
يمكن كلامي قوي بس انا اسفه...
(((انا صغيره بالعمر بس جربت الوان العذاب في حياتي..كأني ام 50 سنه...وكلها غلطات تمنيت اعيدها واصححها..)))
وبصراحه انه يقولك روحي اكشفي هذي قويه وتطيعينه وتروحين مره ثانيه...لهالدرجه انتي ما عندك ثقه..
لو اني مكانك مع ان اللي صار راح..ولو تفتح عمل الشيطان كان قلت انا بنت ناس ومتربيه احسن تربيه..
ومب انت اللي تقول روحي اكشفي قبل ما اخاف منك اخاف من الله..وشرفي يهمني اكثر من انه يهمك..
وقبل ما اخاف على سمعتي عندك اخاف عليها عن اللي ربوني وتعبوا علي..
واذا كنت انت شاك فيني فأنت المريض اللي شكيت بدون ما تشوف شي...


اسفه حبيبتي على النبره الحاده..
بس انا ما احب توصل الامور بين زوجين لمواصيل الشك...هذا وانتم جداد توكم..

بس زي ما قلت لك ((اهلك خليهم بالصوره))لااااااااااازم يعرفون..ليش قال ابنفصل وليش قال ابرجع..
ولازم يتكلمون معه..


والله اتمنى لك انك تعيشين بهناء وسعاده..والله يوفقك...ولولا اللي جربته كان ما تكلمت...لا تشرهين علي يا عسل..