ابي رايكم بصدق بدون مجامله

السلام عليكم ... مشكلتي ماعرف من وين ابدا . انازمتزوجه من خمس سنوات وعندي بنت وولد زوجي طيب وحبيب بس مايعرف المسؤليه نهائيا مهمل لابعد درجه مايعرف يرتب وضعه احيانا يعطني مصروف واجد واغلب الوقت حتى حليب عياله مشاكل بيننا عشان يوفره وقلت رتب وضعك بورقه وقلم الاساسي توفره ولا مو اساسي ترفيه ناجله رتب راتبك اي ان شاء الله ولايسوي شي واغلب الوقت بيتي فاضي تمر علينا مناسبات مامعي شي وشكيت لاهله مانفع امه تقول بيعي ذهبك واشتري حليب لعيالك هو مديون عليه دين واخوانه محد ينصحه او يتكلم عايشين حياتهم بسعاده سفر وحريمهم وعيالهم احسن كشخه انا ماهمني من حقهن حريمهم ولالهن ذنب بحياتي بس ليش هم مايشوفون حياتهم وشلون عايشين ليش مايينصحون ويقولون عدل حياتك واعطى حرمتك وزعلت ورحت لاهلي كذامره عشان يتعدل ولانفع واهله يشرهون علي ليش بس تزعل ويلومني ولايشوفون انفسهم وتقصيره علي وعلى عياله انا اجلس عند اهلي لاراح دوام لان يدوم بمنطقه ثانيه ويقول ماقدر استجار مامعي شي وعذرته واخوانه كلهم بيتن بيت عندنا وبيت بمكان دوامتهم لانهم كلهم عملهم بمناطق ثانيه خارج منطقتنا ولا قدور هالشي وخواته والله بوجههي ماشفت شي بس من وراء ماعرف . واخر مره زعلت بشهر ثمانيه كالعاده مشاكل عشان عياله محتاجين لبس الصيف وحليب وانا كنت واصله اخر حد نفذ صبري وجلست اناقشه بصراحه بقوه ليش مقصر ليش ماتسنع عيالك وانا نسيت نفسي وحقي بالمصروف المهم مد يده وضربني ع راسي بعصا لين نزفت وطلعت لبيت اهلي مشي بيت اهلي قريب مره مننا وشافوني اخواني وراح وتهاوش معه وسكتنا وبشهر رمضان ارسل لجوالي يعتذر وابي ارضيك ولارديت واتصل ع اخوي ولا ردوكنت منغثه بصدق وبشهر عشره اتصلت امه علي سالتني ليش قلت كل السالفه قالت زين ولا قالت شي نهائيا وبعده تسولف ع الناس اني ابي فلوس وابي ثلاث الالف وانا وربي ماقلت الشي وجلست لين شهر12ماتكلم وبعده ارسل اخته من والده قالت يقول تطلب وش تبي قلت يتافهم مع اخوي لايكلمني لاني كنت ابي اخوي يوقفه عند حده مايمد يده ثاني مره وسكت وجلس لين شهر 1وكلمته قلت سنع عيالك بمصروف. لانه كان احيانا يعطيهم وشهور لا وارسل روحي لبيتك قدامي واعطيهم اللي يبون حسيت بالاهانه حتى ماقال اسف واطلبي ورحت كلمت اخوي وعلمته بالسالفه وقال اصرف ع عيالك وسنع مرتك واعطه رضاوه ماهي جايتك من شارع تروح لبيتك قدامك انت مديت يدك عليه وسكت لين جاء شهر ثلاثه تقريبا وارسل ممكن نتافهم ورديت عليه بعد اسابيع نتافهم ع ايش كل شي بيدك قال زين ترجعين بدون شروط قلت انت ماترضاه ارجع بدون شروط ورضاوه ارضني واسمع شروطي وواعدني تتغير قال بتغير وانا جالسه اتكلم فجاه طلع من الواتس . وبعده بدقايق اتصل وكنت اصلي ولارديت ولااتصل ثاني مره نهائيا ولا ارسل الى يومكم هذا .. له شهرين وشوي وقبل كم اسبوع كلمته اخته من والده قالت ليش ماترجعه قال هي قايله لامي ابي 10الالف وانا مامعي شي سيارتي محجوزه عليه اقساط ماسددته والله العظيم امه ماكلمتني ولا سالتني ولاشفتها ولا اعرف من وين جابت الكلام وقبل اسبوع اتصلت صديقتي قالت خواته يخطبن له ليش ساكته يهدمون حياتك وبيتك اقطعي عليهن وتواصلي معه وردي بيتك وحافظي عليه .... وانا مو هاينه ع كرامتي ونفسي اتصل عليه اقول رجعني . وامس اتصلت ابي كرت معه رد عادي ولا قال حتى،شلونك. وقلت لاخوي كلمه شوف وش يقول اساله قل وش بتسوي بعيالك وحرمتك اشوفك ساكت . بس مشكلة اخوي بارد شوي مايعرف يستعجل بالامور.. وش رايكم اقطع عليهن الخطبه اذ صدق وارجع له واكلمه ولا ايش... انا طولت عليكن بالمشكله لاني ابي رايكن بصدق