ابي رايكم تكفون والله لاادعي لكل وحده ترد

مبارك عليكم الشهر مقدما

حبيت اتكلم معكم وافضفض انا تزوجت قبل شهر من شخص من غير مدينتي سبحان الله كل شي صار بسرعه

تزوجت وثاني يوم سافرت معه لمنطقته

وانا بالطريق قاللي بصارحك انا تزوجت 3 مرات

طبعا ايام الملكه ماكنت اعرف الا انه تزوج مره بس

انصدمت وفوضت امري لربي تفاجات لما طلب مني يكون ( الجماع في الدبر) عذرا على الكلمه قلت حرام ومايجوز

النقاش هذا كله واحنا بالسياره

قال انتي مثل غيرك ابي تثبتين لي انك غير ولبي طلباتي وتكلمي معي كلام سكسي ووافقي على طلبي

سكت عنه

وصلنا لمدينتنا ورحب في وعرفني على اهله تفاجات انه بيوم جالس حزين ولحاله جيت اتكلم معه جلس يصارخ وطلعني برا الغرفه

تركته يهدا لاحظت ان مزاجه يتغير بسرعه يزعل بسرعه ويرضى يجلس يومين مايتكلم انسان متقلب

ينام وهو بعز السوالف

طبعا انا تعرفت على بنته قلت لها عن مشكلتي قالت ابوي معمول له سحر ربط من قبل اخر زوجها تزوجها وانه تشافى

ضاقت الدنيا بعيني فوضت امري لربي وصبرت ولا قلت لااهلي

سافرنا برا وصارت معاملته معي كويسه ايام وايام زي الزفت لا يسال عني ولا يرحمني ولا شي

رجعنا وتعامل معي كويس واشترينا اغراض لرمضان وكنا مبسوطين

وبيوم تفاجات انه رجع لحالته وسالت بنته وش صاير قالت ان اخر زوجه اللي كانت مسويه له السحر رجعت من السفر وقالبه الدنيا يوم عرفت انه تزوج وحلفت ترفع قضيه

واشوفه كل يوم رايح لمحاكم بس مايقول وش عنده

بيوم قريت مسج من زوجته اذا مامريت اليوم لاتلومني على اللي راح يصير وفعلا راح ومارجع لي الا اخر الليل

متغير ومنقلب علي وعلى امه واخته

جاء يوم قال ضفي اغراضك بنزور اهلك رحنا لااهلي وطلقني ساله ابوي عن السبب قال لانها نحيفه وانا ابي دبه

بذمتكم هذا عذر واحنا شارين حتى اغراض رمضان راسي بينفجر ؟

طبعا نسيت اقولكم بالسفر جبرني اشرب سيقاره وشيشه وكان يبي مني اشرب بس رفضت

قبل سفري لااهلي دعيت ربي من كل قلب اذا حياتي فيها راحه ان ربي يخليني استمر واذا فيها تعب نفسي فان ربي يعجل براحتي

طبعا نسيت اقولكم حتى امه قالت هو معمول له عمل

وكان اذا طلع يقفل علي بالمفتاح وقالوا لي ان من طبعه يحط كاميرات تنصت وتجسس وماعنده غيره وخوف ابدا

قبل سفري ب3ايام ضاقت في الدنيا ودقيت على اهلي وقلت لهم كل اللي صاير قالوا لازم تقولين له يغير معاملته او يرجعك

ابي رايكم تكفون تكفون