ابي رايكم تكفووون انا وزوجي مره حيرانين بهالموضوع

السلام عليكم يااخواتي بنات حواء


حابه اخذ رايكم بموضوع مهم جدا طبعا اغلبكم يعرف قصتي الله للحين مارزقني الذريه الصالحه عندي واحد قريب جدا لي عنده ماشاء الله ولدين والثالث جاي بالطريق زوجته حامل وهو حالته الماديه مو ذاك الزووود وحاليا اطر يسكن بايجار وراتبه قليل والولد الجاي بيكون مصرف جديد لهم امس كنت جالسه معاه واقترح علي وش رايك اعطيك ولدي تربينه لا جااا انا انصدمت بس جلس يقنعني وانا وانتي واحد ومن هالكلام وامه راضيه افضل من نظلمه واذا بغيناه بناخذه كل فتره ومن هالكلام طبعا قلت لزوجي انصدم اكثر مني وخااااف بنفس الوقت يقول لي الولد مو لنا له اهل لو أي وقت يبغونه بياخذونه واحنا قلوبنا بتتقطع ومن هالكلام وممكن تحملين وممكن يصير له شي وممكن وممكن وحط الف سبب وسبب مقنع فعلا
انا محتاره حتي ام الولد الي للحين هو ببطنها كلمتني من شوي بالواتس اب وقالت لي كلمك فلان علي البيبي قلت لها أي وبستشير زوجي واعطيكم خبر انا مرررررررره حيرانه ورب الكعبه مانمت البارحه هي فرحه هي حزن مشاعر غريبه مااعرف اوصفها ياريت يااخواتي تشورو علي ماني عارفه وش اسوي وزوجي وده ناخذ الطفل وخاااايف من كذا شغله ومالومه احنا بحيره مايعلم فيها الا الللله ساااااااااااااعدوني مالي بعد الله غيركم ولا ابي استشير احد من الاهل أتوقع يرفضوون تماما
وانا كنت ابي اخذ طفل يتيم اربيه بس اهلي الله يهديهم ماعجبتهم الفكره ابد واخوي الكبير قالها لي بلسانه لو جبتيه مابعامله علي انه ابنك من كذا خفت اخذ طفل يتيم واظلمه معااااي حتي اهل زوجي ماتقبلو الموضوع عشان كذا غيرت رايي ساعدوني عسي الله يجزاكم الجنه بهالايام الفضيله وكل من شافت موضوعي تدعي لي ربي يرزقني الذريه الصالحه وربي تعبت احنا بايام فضيله لا تنسوني