هو كانظام ومنظر جميل
لاكن اذا مكان الجلوس اللي تحت بيجلسون فيه ظيوف صعبه
لان لو جاء ولد رجل فوق كيف بيمر ويشوف اللي تحت والعكس
ولو فيه اطفال بيصير لعبه وقلبك معهم لايطيحون
لاكن لو مو جلوس الظيوف والاطفال مافيه كويس
وهو بصراحه اخف اعتقد تكلفه لان بتقل عدد الغرف
يعني لو بتحطين جدار سقف يعني بيطلع لك مساحه غرف
اللي اشوف عندهم بيوت كذا فيه منهم مرتاح وفيه منهم ندمانين
اهم شيء انتي ووجه نظرك
انا اشوفه حلو بصراحه والسقف تحطين فيه قبه او منور كذا اسمه يصير فيه نور للبيت كله
وينزل ثريااا طويله بيطلع جميل ورائع
لاكن اذا انتي تحتاجين غرف فالاتحطين
يعني لو بيجلس ولدك بيسكن معكم مااعتقد بيصلح لهم فوق ابدا مافيه راحه لهم
وبس بالتوفيق

هو حلو بس مو عملي وممل ويفرض عليك نمط معين من الحياة

إذا الدور الأرضي الوسط تعتبريه هول كبير كمدخل والصاله تكون بأبوابها ينفع
أما إذا كل شيء مفتوح لا غير عملي ماينفع بمجتمعاتنا مافيه خصوصيه


نفس حكاية المطبخ المفتوح منظره جميل بس غير عملي بتاتا

بالعكس بشوف بيوت الكويتيه نفس الي انتي
وصفتيه روعه

بتصغر المساحة بالدور العلوي وممكن تستفيدين منها
إضافة إلى إنه ما في خصوصية إذا كان عنك ضيوف
أعرف عائلة من فترة طويلة منزلهم مشابه للصور ما كانوا مرتاحين
لأن أي صوت تحت ينسمع في الأعلى والعكس
وبعد سنوات من سكنهم سكروا السقف واستفادوا من مساحة الدور الثاني
والرأي يرجع لكم حسب ذوقكم واقتناعكم