ابي رايكم في قراري اني ازوج زوجي

السلام عليكم ورحمة الله وبركاته
يابنات انا باذن الله قررت استخير واستشير ثمن اخطب لزوجي واحطه قدام الامر الواقع
والله اني جاده في اللي اقوله ويشهد علي الله
بعد ماياست منه ومن الحياة معه وتطلقت ورجعت وعشت معاه حياة حلوه اول مارجعني وبعدين رجعت حليمه لعادتها القديمه
والله ماادري وش اقول لكم تعبت منه مره مافيه صفه شينه الا وهي فيه والادهى والامر اكتشفت ان له علاقات علىالمسن مع بنات
والله كنت احبه بجنون وعقبها والله كرهته وماعادفي قلبي له شي
اهله مايدانوني في عيشة الله وهو في صف اهله دايم وياما وياما ضلموني وقاطعوني على اسباب تافهه وفشلوني عند الناس والان والله عايشه على اعصابي اي كلمه اوتصرف اسويه لو هو خير قلبوه علي وخلوني غلطانه لدرجة قسم بالله صرت اكلم نفسي وماانام الليل اقثعد بس افكر اخاف اي كلمه يفسرونها غلط وبعدين يزعلون ويقاطعوني ويزعل زوجي ويحطني انا اللي فيني عيوب الدنيا ويقول انا ابي حرمتي تروح مع اهلي وتجي مع اهلي اقول طيب هم مايبوني يقول لوك طيبه بغوك
غير كذا ربيت ولده احسن تربيه هو من زوجه ثانيه ربيته مع عيالي يسميني يمه ومايحس باي فرق وعند ادناة الدون يهاوشني عشانه ويوقف بصفه لو تهاوش مع عيالي ويضرب عيالي عشانه
وساكنه بقريه بعيده وحابسني فيها وهو سهر بالليل ونوم بالنهار والله حتى الاكل مايكل معنا الا نادر
اموت من الجوع لان مافي احد ياكل معي
انا مستبعده الطلاق عشان عيالي وعشان جربته قبل كذا ولقيت الحل الوسط انه يفكني من شره ويتزوج وحده تتحمله وتتحمل اهله وولده
وانا وعيالي يستاجر لنا بديرة اهلي ويجينا بين فتره وفتره وبس والله احس بارتاح راحه ماعقبها راحه وش رايكم بالله تكفون ابي رايكم وانا باصلي صلاة استخاره واشوف