ابي رايكم في موضوعين لطليقي تكفوووون ادخلوا

طليقي من قبيله ثانيه يعني بعد طلاقي ماعاد نجتمع مع اي احد من طرفه 
اللي تطلقت من واحد ماهو من جماعتها ..تبقى على تواصل مع امه او لا؟
انا بشرح لكم وضعي مع اهله قبل طلاقي 
خواته علاقتنا رسميه وحده منهم بأول زياره لي في بيتي وانا عروس سوت لي مشكله
كانوا بعض الاحيان يتصلون فيني اول زواجي وانا اتصل فيهم وبعده خلاص ماعاد يتصلون ويبتعدون واذا زعلت على اخوهم وجلست شهور عند اهلي مايسألون عن بنتي اللي هي بنتهم ولا برساله 
وامه كذلك ضاقت علي ولاعاد تدق ابد عشان مرة تركت ولدها وانحشت لأهلي من الضيم وبعد مارجعت له نفس الحكايه ماتتصل مع انها زمان كانت تتصل كثير وكنت اعاملها مثل امي وجلست مع ولدهم سنه كامله مايتصلون ابد وامه تجيني تتعشى عندي بدون سوالف زي قبل تجلس تسولف مع ولدها واضح متغيره علي
المهم بعدين طلبت طلاقي لمشاكل بيني وبين زوجي مالهم علاقه فيها ولي الحين يمكن 8 شهور عند اهلي طبعا تطلقت ولاعمرهم اتصلوا فيني او في امي مع ان امه ياما زارت امي وضيفتها احسن ضيافه 
انا مابي منهم اتصال وارتحت منهم بس اعلمكم انهم حتى مايسألون عن البنت
عشان تعرفون تجاوبون على سؤالي ابي الحكيمه تقول لي
بحالة أحد مرض من خواته بمرض خطير هل ادق على اخته وامه في هذي الحاله ..او..لا
الموضوع الثاني طليقي تزوج بعد طلاقي وكل اسبوع ياخذ بنتنا زياره وانا قد نزلت موضوع ان بنتي جميله جدا ودايم اخاف عليها واحصنها والحريم بالاماكن العامه يمسكوني يقولون تكفين حصنيها ومره وحده بالمستوصف حرمه كبيره قامت تمسح على راس بنتي وتقرا عليها وتحصنها ودايم ابوبنتي اذا اخذ البنت لبيته تحط لها زوجته مناكير على يديها وإرجولها وتحط لها روج انا مرتاحه لزوجته احسها طيبه جدا مع البنت مع ان بنتي عمرها 2سنه مدري وش يصير معها بس اشوفها اذا رجعت مبسوطه
وامس ابوبنتي جايب جيك ماء وارسل رساله على جوال امي يقول لي هذا أثر من زوجتي واهلي تروشي انتي والبنت فيه .. اتسبح فيه والا اكبه بالزباله ..طيب انا وش دخلني اتسبح فيه!