السلام عليكم

عزيزتي ...

انت ماتبين الطلاق ..ولاتبين ولدك يروح بينكم انتي وابوه .... وانتي جبتي الولد خلاص طاح الفاس بالراس ... ارتبطتي بزوجك وصرتي ام عياله

انا انصحك ان شرطك هذا تتنازلين عنه ماارح يفيدك بشي اذا اعتذرلك قدام زوجته انتي غرضك بتقرهينها زي ماقهرتك صح ولا لا !!!

وهالشي ماراح تستفيدين منه ...

وانتي غلطتي يوم نزلتي ... هي ماتبي تشوفك خلاص خلك بعيده عنها اريح لراسك من اول مواجهه شوفي وش صااار !!!

انا ماالومك زوجك غلطان جداا في معاملته لك ... ومهمل حقوقك ...

وكمان ماالوم زوجته الاولى ترا الغيره تسوي اشد من كذا وانتي سويتي لزوجك اللي هي محرومه منه وهو الحمل وهالشي يكسر الحرمه مافي اشد من حرمان الوحده للضنى \



اشرطي ان حقوقك كامله تجيك العدل ثم العدل

يومك يطلعك يوديك يجيبك ... حالك حال زوجته الاولى

اشرطي رضاوه لك

اشرطي انه يعتذرلك لنفسك مو قدام احد وعشان احد

واشرطي يصرف عليك حالك حال الناس مب تخلين ابوك وامك يجهزونك !!!

اذا انتي ماتبين الطلاق ... ارجعي حاولي عطيه فرصه وعطي نفسك فرررصه ....

حاولي تكسبينه .... لعل ربي يحنن قلبه عليك وعلى ولدك اذا شاف بحضنه وانبسط فيه


الله يسخرلك

حبيبتي ارجعي لزوجك عشان ولدك واشرطي العدل في المبيت والنفقة أما المحبة ماراح تتشرطي فيها لان مافيها عدل هذا مو بيده بس انتي خليك شاطرة وحاولي تجذبيه بدلعك واهتمامك وحنانك
واعرفي نمط شخصيته من أجل تعرفي مفتاحه وتخليه يحبك زي زوجته الاولى

بصراحة حقك ..
المسألة مو يعتذر لك .. المسألة عدل وحب ومودة وإستقرار ..

أنت متزوجة ولاانتي متزوجه !! وش الفايدة يروح عمرك مع واحد مثله ..

ارجعي بيتك وانت الآن موقفك قوي و عندك الولد و أهل زوجك يحبونك .. و مادام مايبغي يطلقك معناها متمسك فيك و كل هالحركات اللي يسويها لك قدام زوجته ممكن بعد فترة ينقلب الحال ...

سالفه قديمه المفروض تنسينها خلاص لاتفتحين جروحك القديمه مابتعور احد كثرك انتي
وماراح يسويها لاه يوم سواها كان بكيفه وانتى تشرطين عليه
استخيري وانا اختك