ابي رايكم كلكم وش تتوقعون ):

صباح الخير بنات
عندي موضوع مضيق صدري ابقولكم قبل خمسه شهور وحده من معارفي معرفتنا سطحيه بس في زواجات نشوف بعض المهم كلمت امي ان اخو صديقتها تبي تخطبني له انا مطلقه عمري٢٨
وهو مطلق معه طفل المهم امي قالت عطيهم رقم وعلى خير مر اسبوعين ومحد دق ونسينا الموضوع رجعت بعد شهر تقول امي وشفيك مادقيتي قالت امي انتم الخطاب الي بدقون مو انا بعدين ام الولد ماعرفها الامنك المهم قالتخلاص بكره بتكلمكم ومر شهرين كلمعتاد ):
قبل امس اتصلت معليش سامحوني ام الولد عندها ظروف وعشان كذا ماتصلت تخطب ان شاء الله الليله تكلمكم
مر يومين ولاحس ولاخبر
انا ماهمني الموضوع بس اول مره تحمست بعدها كرهتم وش هذا الاسلوب كل شوي تدق ونبغى بنتكم وتتعذر عن ام الولد وام الولد الي بيخطب ماقد اتصلت ابدا بديت اشك انا وامي ان الموضوع طقطقه حتى امي زعلت وكانت ناويه تقولها لاعاد تكلمونا بموضوع الخطبه وش تتوقعون اسلوبهم ليه كذا المهزله عندكم ظروف لاتوعدون الناس الالين تنحل اما كذا كلام وكل شهر يتكرر وش معناته
مقهوره من تصرف الحرمه ذي ودي اقولهم لاعاد تفتحون الموضوع وش رايكم