ابي رايكم هل تشوفون اني حقوده ومكبره الموضوع ؟💔

ببدا في الكلام وسامحوني اذا مو مرتب لانه اللي احس فيه بكتبه💔


انا ما احب اخوي واكررههه ومستتتحيييل اساامحه لانه ابوي كان كبير في السن واخوي كان يحتقر ابوي ولا يحترمه
ويعيب على طريقه كلامه تخيلوووا المووقف يجرررح
والمشكله اخوي مو صغيرر متزوج وعنده عيال وعمره اخر الثلاثين
واخوي كان مقصر مع ابوي واجدد وابوي يحببه كثييرر ويقدره وحتى يتصل عليه يقول جيب عيالك ودي اشوفهم واخوي ما يجي الا بعد اسبوعين او اكثر
وهو في بيت بروحه ولا يكلف نفسه يجي يشوفنا يعني بالسنه يممكن يجينا 3 او 4 مرات بس
واجدد مواقف انحرج اقولها وش كان يقول عن ابوي حتى ما يحبه ولا شفته حب راسه او يده
واشياء كثير ما احب اتذكرها لانه توجع قلللبي
وانا كنت اهتم في ابوي وقريبه من ابوي حيييل اعطيه ادويته اهتم فيه احسه ولدي مو ابوي


الصددمه ابووي ماااات💔💔💔
له سنه وكم شهر واحسه كانه امس ماات لين الحيين دموعي ما وقفت كل ما اتذكرر مووته
حتى صديق اخوي قبل شهرين درى انه ابوي متوفى وانصدم وقال لاخوي ليش ما قلت !!
لما مااات تخيلووا اخووي توقعتته بيتغييرر وبيصيرر احسن معنا وبيتندم تدروون ماا بكى على ابوي واحس مو هاامه اهم شي عنده عياله يعني في وفاه ابوي عادي خذا ولده ومشاه ووده الالعاب وولده عمره 9 وجدا عاادي حتى الولد يجينا يقول ااي مات ابوكم واحس الوضع عادي عندهم


وفجاءه واحنا قاعدين قال ادخلوا بيجي واحد احنا انصدمنا كان وقتها الساعه 10 قلنا من جاي ذي الحزه قال واحد بس ادخلوا وجانا قال ابشركم البيت طلع يسووى ….. المبلغ الفلاني،، انصدمنا قلنا وش دخل تسأل عن البيت والفلوس وابوي توه ميت قال الواحد لازم يعرف البيت كم يسوى
طبعا انصدمناااا وفي العزا هو وعياله ياكلون ويشربون وعلى جواله وهو وعياله وبعدين ياخذهم للبيت وعلى هذي الحاله وبس قعد يجينا اسبوع بعد وفات ابوي
وبعدين قعد 3 شهور وجانا مره
تدرون عمره ما عزم امي وابوي على بيته ولا عمرنا اصلا جينا بيته
ومرره متجمعين قال وش اسوي شايب وماات
يالله الكلممه اجرحتني تخيلوا حتى هو ماات ابوي ما سلم من لسانه
وعادي يضحك وياكل ولا كانه في شخص افتقدناه في البيت
وانا من بعد وفات ابوي ما صررت اطيقه ولا احببه ولا ودي اشووفه لانه كل ما اشوفه اتذكر وش سوا في ابوي


واليوم امي واختي هاوشوني يقولون انتي حقووده ومكبره الموضوع خلاص لي متى وانتي ما تكلمينه ولا تطلعين من غرفتك اذا جاء وتسلمين عليه وهذا اخوك ومن لحمك ودمك
افتحوا هذا الموضوع معي لانه جاء شخص وتقدم لي


وانا وش اسووي معهم تعبت وانا اعيد معهم في الكلام وازيد اقولهم ما ابي اشوفه حتى لو اخوي لانه اذا شفته يطري على اشياء ما احب اتذكرررهاا 💔 واذا قال شي ما عجبني اعرف نفسي ما راح اسكت برد عليه
انا ما كنت كذا بس من بعد وفاه ابوي تغيرت واحس بالم في قلبي عمرره ما يروح
انتم تشوفون كلام امي واختي صح والا انا


المشكله خطبني واحد وشافوني اهله بس لحد الحين ما قلت شي اذا انا موافقه او لا


لانه افكر شلون اذا ربي كتب لي وتزوجت وتمت على خير ودرى الزوج اني ما اكلم اخوي وش اقوله طبعا ما ودي اطلع اخوي بشينه عنده علشان ما يمسكها على ان شاءالله انكم فهمتوني


انا استخرت والحمدلله احس مرتاحه
بس متردده علشان هذا الموضوع
واكيد اذا تزوجت بيعرف زوجي لانه بيكون مبين ما اكلم اخوي ولا اجيه في بيته واكيد الكلام والمواقف بتبين انصحوني وش اسويانا مرتاحه لشخص اللي خاطبني بس متردده اوافق علشان هذا الموضوع ادري بتقولون الرجال ماله دخل في موضوعكم
بس اكيد بيبن يمكن هو بيكلم اخوي بسأله عني او بيقولي بعدين ليش ما تروحين لبيت اخوك
او يقول اخوك عازمني على بيته يالله نروح وش اسووي!!

انا ودي ارفض علشان ما تصير لي هذي المشاكل كلها بس امي واختي يقولون اذا مرتاحه وافقي حرام ترفضينه لانه انا كبرت ومن زمان محد طق باب بيتنا وخطبني وانه شخص اعزب وهو للامانه زين ومحترم ويخاف الله، بس وش اسوي اذا سأل