ابي رايكم واقتراحاتكم وافكاركم

سبحان الله العظيم

//


الف شكر وتقدير للي دخلو موضوعي ولا ردوا
على الاقل كلمه رفع

وارجوا من الاشراف حذف الموووضوع

//

هلا أختي دفآآي أنفاسك
وشلونك مع الشغل عساكي على القوه ان شاء الله
انتي كتبتي قبل على انك جوك ضيوف على الغداء وتكلمتي عن شغلك عقب مامشوا الضيوف ماشاء الله عليك وانا والله تحمست وأشتغلت مثلك
شوفي أختي انا ماجاني أحد بهذا الوقت الغريب يعني من المغرب إلى الفجر اذا كانوا أهلك او أهل زوجك مو مشكله
حاولي انك تنظمين شغلك قبل يعني من ناحية الصحون غسليهم ومسحيهم وغطيهم بفوطه والأحسن تربطينهم بكيس والملاعق والكاسات وكل شي جهزيه ,كاسات الشاهي والفناجيل والتمر جهزيهم وحطيهم بالمجلس وغطيهم بفوطه نظيفه وجيبي الفطاير من بره وسوي نوعين حلى مع القهوه وحلى بارد مع العشاء وجيبوا العشاء من المطعم لانه صعبه عليك تطبخين وتجلسين عند ضيوفك وانتي سوي السلطه والحلى واذا تعرفين تسوين مثلآ مرقوق أو إيدام لحم او جريش واذا تقدرين تحطين على العشاء ورق عنب الجاهز بس تفكينه وتحطينه بصحون وعليه شرايح ليمون بس انا ماجربته من قبل ومادري وشلون طعمه
السلطه سوي سلطة المكرونه لانك تقدرين تجهزينه قبل بوقت وسلطه خضراء ,الحلى سوي هذا الحلى وهو أنك تغمسين بسكويت شاهي بحليب وتصفينه بصينية بايركس وسط وتحطين بالخلاط 2 سنيكرس الكبير و2 قشطه و2 دريم ويب و1 كريم كراميل وشوي حليب وتخلطينهم بخلاط الكأس طبعآ السنيكرس تقطعينه قطع صغيره المهم أذا أنخلط تصبينه على البسكويت وبالثلاجه وقبل التقديم ترشين عليه هيرشي او كاكاو وتقطعينه وبالصحون
وسوي جلي اوكريم كراميل
وبالنسبه للتنظيف حاولي انك تنظفين المكان ألي بتجلسون فيه ومجلس الرجال طبعآ نظفيهم وغسلي الحمامات تكرمين والغاسل وجهزي الصابون والمناديل والعطر والعود ألي عقب العشاء وقفلي الأماكن ألي نظفتيهم ومثلآ غرفة النوم رتبيه ومسحي ألي يحتاج تمسيح وجهزي لبسك واكسسواراتك والغرف الثانيه قفليهم لكن حاولي انك تجهزين بطانيه يمكن يكون معهم أطفال وأكيد بينامون فحاولي يكون عندك بطانيه او ثنتين نظاف
المطبخ حاولي انك تغسلين أي حاجه قدامك او تستعملينها واذا جوا ضيوفك وباقي كم صحن على كم ملعقه حطيهم بطشت ودخليهم بالدرج ألي تحت المغسله او اذا عندك مخزن , عاد اذا كانوا مثل ضيوفي بيدخلون بأي مكان وتوقعي عاد يمكن يفتحون الدروج او يدخلون بغرفتك او يفتحون درج المواد الغذائيه بس ياربي انهم يستحون على دمهم ويقعدون بمكانهم خخخخخخخ
الله يعينك وان شاء الله تخلصين من ضيوفك وترتاحين

السلام عليكم
مادام ضيوفك سهرة بالليل يبغي لهم عشاء
اعملي دجاج مشوي بالفرن او صواني كذلك ممكن تعملي معكرونة بجميع الاشكال
طبعا السطات ممكن تقطعيهم كل علي حدة وعند التقديم تضيفيهم علي بعض وتملحي
ممكن تعملي الجريش او سمك مشوي وخضار محلوسة وطبعا لابد من الرز وممكن تعمليه نصف استواء وطبقيه علي بعض وعند وصول الضيوف تضعي علي نار هادئة ليكنمل استوائه
وبالنسبة للحلي صواني اسرع شيء
وبالنسبة للبيت رتبيالترتيب المعتاد وبخري قبل الوصول بدقائق وشيكي علي الحمامات الله يعزك
وحضري القهوة والتمر وادا ممكن حلي خفيف او اكتفي بالتمر وبعض الحلوي
وان شاء الله تنسعدي معهم

رفع البنات ماقصرو