ابي رايكم و اللي بتقولونه راضيه فيه

السلام عليكم
عندي عامله اثيوبيه من قبل
فيه استلطاف من قبل زوجي لها
نبهته اكثر من مره ماله دخل فيها ما سمع لي لدرجه اذا تعبت يروح لها المطبخ و يوقف جنبها و يتطمن عليها لاني دخلت المطبخ و شفتهم مع بعض
قدر الله و انحاشت هو انخرش خرشه
اذا فيه تبليغ هروب اسرع شي سواه بالحياه فا هو التبليغ عنها
قال اخاف تسوي شي و تنكبني
السالفه اللي الحين صايره
قدمت على اثيوبيه
طايح لي شهر كذا نبهيها ريحتها خايسه و ربي ريحتها حلوة
وش تحط وش تستخدم قلت هالامور ماتتدخل فيها انا انبهها فيها
الشغاله نظيفه نظيفه
المهم تعبت قبل كم يوم ترجيع كرمتو
و انا مرتفع ضغطي و تعبانه من جهه جاني قال شخبار الشغاله من التعب و ربي قلت خلها تولي
حبسها بقلبه
راح تخانق مع واحد بالشارع جا كمل علي
انا لما اقول لك سالي عنها تطمني عنها هي تحن على عيالك قلت انت وش دراك عني اني مااتطمنت عليها هالامور قايله لك من قبل لا تتدخل فيها عليك بالعمال الرجال احنا حريم نتفاهم مع بعض
و الله يا بنات و الله ربي فوقي شاهد حالها من حال عيالي بكل شي بقاله كوفي قهوه مقاضي
بس هو عشانه بره ما يشوف
جا يتناقش هو يتكلم و انا ابين له وجهه نظري عصب علي انا لما اتكلم تسكتين لا تراددين قلت انا اشرح لك الوضع و انت شايفني تعبانه هدا وقت نقاش
بدا يهذر و انا غلطان اسولف معاك و تبيني اتكلم و انتي زق و انتي بتخليني اسوي شي يخليك تزعلين قلت وش بتسوي قال ان تدخلتي لعنت والديك
حاليا ما يكلمني من اول امس و انا سافهته
هذا كلامي ابد راضيه باي نقد او توجيه