ابي راي حكيم /اعزم اهل زوجي اذا عزمت احد

صباح الخير

بنات انا الحمدلله بسكن شقتي الملك فوق اهل زوجي 
لي سنه وشوي متزوجه وساكنه معهم

هم يصيرون اهل عمي يعني زوجي ولد عم ابوي

بقولكم طبع اهل زوجي

هم طيبين وكافين خيرهم شرهم مايتدخلون باحد انا عايشه حياتي مالهم شغل فيني ابد وعلاقتي معهم رسميه مااقعد معهم ابددد

الا وانا نازله اخذ الغدا او اطلع اروح لاهلي ولا اي مشوار القاهم بالصاله اسلم واطلع

بقولكم ليش خليت علاقتي كذا

هم اهل زوجي يحبون يقعدون لحالهم وعايشين لحالهم يعني تخيلوا مايعزمون ابد وربي بس لما سكنوا بيتهم الملك عزموا مره وحده جدتي وعماتي الكبار  بس وكان اول زواجي 
ماتعزم عمتي الا اختها ومرت اخوها واذا حصلت عزيمه حريم تعزم مره بالسنه
وهي اذا سمعت بعزيمه راحت تسير 

بس يمه والله مايعزمون ابد واذا صارت بالعيد جمعه عند جدي تروح ولاتعزم 

يعني هم عايشين لحالهم 

والله البيت دايم فاضي واذا احد عزمها راحت وماتعزم وفيهم حرص ع الصرف 
يعني غدا عشا ايدام ع شوي شوي ماتكثر الطعام 

طبعهم مره شين

ولما كنت اصمم شقتي انا وزوجي كان يتدخل عمي شوي يعطينا رايه بس كنت ارفض لان تصميمه مو زين ومايعرف والحمدلله صممت شقتي وسويت كل شي ابيه

وعمتي عيونها لي اذا شافتني شريت شي جيت من السوق تطالع الكيس واذا رحت لاهلي وكانت رايحه معنا لامها نوصلها ونزلت اشري حلا لاهلي تطالع بالكيس اذا دخلت يعني استغفرالله كانها اللي تقول بس تصرف 


فيهم حرص يروع وطبع يفشل كلن عارف حرصهم 

المهم اول زواجي كنت انزل اتقهوى معها واقعد معها بس صراحه انقهرت كل ماقعدت بس تسال عن فلانه وعلانه وتسال عن اهلي كثير تحب تسال تدور علوم واخبار وانا مااحب كذا مااحب احد ينشدني وهو مايعلم 

اقولكم ليش صارلي موقف كنت مره نازله اخذ العشا وكنا بدايه عطله سالتها عن بنتها قلت فلانه تجي العطله هذي قالت لا مدري وسكتت واشوفها مشغوله تجهز قهوه وكانها مستعجله

ورحت فوق غرفتي واتصل عمي ع زوجي قال نبغى السياره بنسافر عليها نتمشى كان زوجي توه شاري السياره له ثلاث ايام


انا انصدمت قلت يمه ماعلمتني انهم بيسافرون 
قلت يلا احسن وراح اصير مثلها ماراح اعلم بشي ابد
انا كنت اسمع عنهم قبل زواجي انهم مايعلمون احد بشي ابد يعني عمي مايعلم امه انه بيسافر وهو يكون عندها ومايعلمون احد يعني حتى اخوانه ياخذون قشهم ويطلعون مع نفس الباب ويمشون ومايدرون الا بعدين ان فلان سافر واهله يتمشون كل هذا عشان محد يروح معهم 

مع ان عماني وابوي العكس قسم يعلمونه انهم بيسافرون عشان يروحون جمعه بس هم لا


المهم بعد الموقف صرت ماعلمها باي شي ابددددد

ولا اجلس معها 

اشغلتني كانوا اهلي يبنون بيتهم وبس تسالني وش سوو وش ماسوو وتروح كل جمعه هي وعمي يشوفون بيت اهلي


وقسم بالله هم لما شروا بيتهم ماعلموا احد ابد الا لما استلموا المفتاح حتى امه ماعلمها وهو كان ساكن عندها



طبعهم مره غريب 


المهم والحين انا ان شاللله بسكن شقتي 

وراح اعزم امي وخواتي طبعا اول شي بنعزمهم لحالهم بعدين بعزم اهلي لحالهم بعد

وبعدها راح اعزم عماتي ولا حريم عمامي لانهم مره عسل ودايم يعزموني 

ومابي اعزم عمتي ماراح اخذ راحتي استحي وماتكلم معها علاقتي معها رسميه 

واخاف تشغلني وتدخل تشوف وش حطيت وسويت للضيوف 

لان عيونها مره نفس اللي تقول لعبتي بولدي

مثل مره قالت لزوجي جدتك تسال عنك وبتعطيكم هديه البيت قال ولدها بمرها اخذها وطالعت فيني قالت لا تلعبون فيهن تقصد الفلوس وتقوله وتبتسم 

يمممه قسم انا انصدمت 


خصوصا انها تاوي لعمي مره يعني مايصرفون كثير وربي مايتقضون الا خضار وفواكه بس والباقي من البقاله 


وشقتي كانوا يبونها اي شي عشان ولدهم مايتكلف بس الحمدلله سنعتها نفس ماابي 


ومنحرجه صعبه مااعزمها قلت اذا عزمت الحريم الكبار عماتي الكبار اعزمها بسسسس
انصحوني بنات ابي كيف اتعامل معهم مابي اعودهم كل شوي اعزمهم 

انا مرت ولدها الثالث 

ولدها الكبير متزوج بس بديره ثانيه