برايي اعزميهم هما اول ناس بما انهم جالسين معاكم وعشان مايزعلو وبعد كده اعزمي الي تبي

انا اشوف انك تعزمينها وتفكين نفسك من شرهه وبالنسبه لتدخلاتها اسمعي من اذن وطلعي من اذن مع الوقت بتعرف طبعك لكن ماتعزمينها احسها كبييره شوي في حقك كون انك ماشاءالله مبين علييك اجوديه وبنت ناس فاهمين بالاصول

:2thmup:قالت يلي نفسي اقوله

طبعهم لاهم كريمين والا شحيحين مالك حق تندقينهم واحس طبيعي لمن يكون ولدهم فوقهم انه كل اسبوعين مثلا يعزمهم عالغدا بغض النظر عن طبعهم خصوصا اول تقزلين اطلع انزل اخذ الغدا وماكانو قشرين معك ابد كل اللي قلتيه صفات اخص معيشتهم وذي ماتضرك بشي

بنات وين الذوق وين السنع اللي تقولوا عنه
والله مافي ذوق وسنع الله يهنيهم 


انا الحمدلله مو ناكره معروف انا اعترفت انهم طيبين وشفت طيبهم وهو انهم كافين شرهم وماذوني بشي الا لما نبني شقتنا جا يقترح رايه بكل قوه وحزم بس كنت اقول لا مايصلح كذا وكذا وكنت اشوفه يزعل بس مايبي يتكلم خوف من المشاكل
وعمتي لما تصير قطه باستراحات ومخيمات تقول لزوجي مايحتاج زوجتك تقط قطتنا انا وياها وحده تقصد ميتين ريال 

واقول لا اقط حالي حال الحريم ميتين مو ذابحه احد

مابي اعود زوجي ع الحرص 

وانا اتوقع لو كنت اعطيهم وجه واتكي عندهم راح تطلع علوم بس حلوه الرسميه

سلفتي تقعد معهم وتقرقر كثير معهن وذاك اليوم حرشن زوجها عليها وتهاوشت معهن 


وانا نفس الشي مالي علاقه فيهم ولاتدخلت بينهم وبالنسبه للغدا والعشا اللي تقول تعشين وتغدين

الغدا بالبدايه كنت اطبخ تحت بس كنت الاحظ ماودها اني اشتغل بمطبخها ولا ازين شي بس ماتبي تكلم تخاف من المشاكل 

وانا اندبلت كبدي من عيشتهم قبل لما اطبخ كنت اقطع خضار وحشوات واجي القاها منقصه من الخضار وحاطه بعلبه لبكره 

تشوفني مكثره الطعام ياربي وهي تشح شح فيه

عاد لما شفتها كذا قلت خلاص ماراح اشتغل مااخذ راحتي ابد واذا شافتني بالمطبخ اطبخ ومسكره الباب تجي وتفتحه وانا استحي اطبخ والباب مفتوح ماخذ راحتي وهم يشوفوني تجي وتفتحه

والعشا يوم يرسلون لي مايقولون تعالي معنا تعشي لا يرسلون مايبون احد يبون لحالهم

واذا عزمت احد مثلا اخت زوجها ولا اختها ولاعمتي الكبيره وهذا نادر جدا مايعلموني ولايعزموني اطلع وانا رايحه لاهلي واشوف الناس عندهم

عشان كذا سالت اعزمهم ولا لا وفعلا لقيت اللي تشاركني رايي وخلاص بكيفي ماراح اعزمهم الا اذا عزمت الحريم الكبار 

هم عايشين لحالهم الباب اللي بيني وبينهم باب المجلس اللي يقعدون فيه يسكرونه عشان مااسمع سوالفهم واللي تقول ذوق وبكيفهم مايعلمون بسفرياتهم وروحاتهم وعلومهم 

طيب وين الذوق عمتي اذا قعدت قامت تنشدني عن كل العايله وش سوو وش حطوا وفلانه وش عشتكم وفلانه ماحملت مع انها مخبيه حمل بنتها وتقول ماكانت تدري انها حامل 
بس انا اسكت ماارد واقول مدري عن احد وصرت مااقعد معها تغثني باسئلتها هذا اول زواجي 
وصارت افهم اني ماابي اعلمها 

وصارت ماتسالني وتسال بنت خالتي اللي تصير سلفتي 

هم مايبون احد مره يوم مات ابوها قبل ثلاث شهور نزلت اواسيها مع اني استحي مدري وش اقول وربي بس قعدت ثلث ساعه تدرون وش صار قالي عمي خلاص يفلانه روحي ارتاحي وواضحه تصريفه انصدمت قمت 

وكل العايله عارفين طبعهم وربي كلن يقول اهل فلان معروفين عايشين لحالهم ولايبون الناس خايفين عشان الصرف 

والعام اول ماسكنوا بيتهم تهاوشت ام زوجي مع عمتي الكبيره تصير صديقتها ودايم كانت ام زوجي تجيها قبل تسكن بيتهم وجتى النوم تنام عتدها
ولما سكنت بيتها العام عزمت ام زوجي حريم وقالت لعمتي هذي تعالي بدون بناتك وتهاوشوا قدامنا بالصاله قالت لها عمتي ليش انتي ماتبين بناتي وقبل كنتي 24ساعه عندي انتي وبناتك وصارت عمتي ماتعزمها 



واللهم لاشماته فعلا كل ناس ولهم طبعهم بخل وحرص ويوم قلت عمي مثقف ومرتبته عاليه اقصد انه رازقه الله وغني بس حريص عياله هم اللي شارين معه البيت وزوجي كل راتبه ع قرض البيت 
واللحين ماساعدنا بالتاثيث ويطلبه ولده ولا عطاه 
يقول مامعي شي

وبالنسبه للاخت السقيمه اللي تقول زوجك يادبك 

الله ياخذ وجهك ياشيخه زوجي الحمدلله فاهم وقايل لي خوذي راحتك بكل شي انا مااجبرك ع شي ماتبينه بتطبخين بتعزمين بتسوين كثر الله خيرك وهذا من طيب اصلك

عاد اذا انتي قليله اصل ومسنعك زوجك تستاهلين ولاتشوفين البنات مثلك

اشكر كل من ردت وربي ردودكم اسعدتني 

واطلب من المشرفات يقفلون الموضوع خايفه يدخل بالحش والنميمه