كوبونات الراقية تسجيل الدخول

نفسي افرح

ابي رد لكرامتي من زوجي

الأسرة والمجتمع •

قوه بنات بقولكم مشكلتي الي صارت من قليل

القصه انه اهل زوجي زايرينا وصار خلاف بسيط بين زوجي واخوه الصغير

وانا كنت جالسه افطر سالني زوجي عن شي قلتله لحظه لمي اخلص فطوري

لقيته جلس يسب علي وعلي اهلي ويقول كلام وطردني من الغرفه وانا ساكته لاني ماابي اتكلم ويطلعو السبب علي وتطلع غلطه مني ويمسكوه علي

ويوم شفتهم طلعه كلهم علي الحديقه وبقي زوجي داخل جلست اهاوش زوجي علي الاسلوب الي حكاني فيه وكلمه منه وكلمه مني كسر البيت فوق تحت لين جي اخوه وهداه طبعا انا كنت في منتهي الحرج من تصرفه الي عمره ماسواه معي من سنه :(

ولا ماكفاه هذا رح قدام الزوجه واخوانه يقولي انتي قليلة ادب ويسب علي ابوي وامي

وطلع من البيت

الحين ابي ارد كرامتي قدامهم اشلون واخليه يعتذر مني قدامهم

هو زوجي من النوع الي يعصب ويجلس فتره ويجي يراضيني عمري ماانا راضيته بس هلمره يمكن غير لانه اهله زايرين عنا

لا تقولو الحق علي تري انا كنت ادافع عن حقي
15
2K

يلزم عليك تسجيل الدخول أولًا لكتابة تعليق.

تسجيل دخول

سويدره
سويدره •
هلا يالغاليه والله اني حاسه فيك
بس شوفي يالغاليه انتي غلطتي لما زوجك اسالك المفروض تجاوبي على طول ماتقولي
ليما اخلص بذات انه كان معصب من الاول مع اخوه
بعدين انتي قلتي انك سكتي المفروض تسكتين وماتناقشينه الالين يروحون اهله من عندكم
اوتصبرين ليما يهدا وتقولينله بهدوء وتبينين له غلطه كذا هويحس بالاحراج منك ويعتذر
بعدين صح انتي دافعين عن حقك بس مش في وجوداحد سواءمن اهلك اواهله انتي ماخترتي الوقت المناسب
ولوانتي سويتي نفسك زعلانه عليه وحسستيه باسلوبك انه غلط معك صدقيني هواللي بيضايق وقتها بيحاول يرضيك وحاولي تحلين المساله معه بهدوء وسوي نفسك شايله عليه بس قومي بكامل واجباته عشان مايطلعك غلطانه وحسسيه انك زعلانه
وانشاءالله يصلح مابينكم ويسخره لك ولاتنسين الدعاء تراء وايده عظيمه
واذكرعضوه في المنتدى الله يجزاها خيربس مش ذاكره اسمها قالت جربويابنات التسبيح بذات لمايصيرخلاف مع ازواجكم ينحل بسهوله لان حصل خلاف مع زوجها وسبحت ميت مره الاوهوجاء يراضيها واسفه حبيبتي على الاطاله وان شاءالله اكون افدتك وماازعجتك
alrahla
alrahla •
الله يصلحك ويهديك ويصلح الله مابينكم وش الكرامه الى تقولين عنها وانت ماامتصيتي غضبه من البدايه وخاصه ان اهله فيه
ملكة قلبه
ملكة قلبه •
والله بصراحه شكل الغلط منك جا اول لان الرجال لاصار معصب لاتكلمينه اتقي شره من بعيد لبعيد دايم الرجال لاعصب مايعرف وش يقول كن ابليس ركب لسانه انتي الله يهديك استعجلتي بالرد يمكن لانك مو قاصده شي بس هو اخذها اهانه له عند اهله حبيبتي حاول تتفاهمي معه بهدوء مو تردي الحقد لا هذا ماينفع هو زوجك ولاحضي انتي غلطتي وهو كان معصب يعني ماكان على وضعه الطبيعي اذا شفتيه رايق وهادي تناقشي معه بهدوء قوليله الله يسامحك ماتقعتك بتقولي كذا قدام اهلك كان في طريقه افضل انك ترد على انا ماكان لي ذنب بهوشتك مع اخوك وتبرد فيني اتمنى ما يتكرر الموقف بينا انا احترمك واقدر الوضع اللي كنت فيه علشان كذا ما خذته في بالي بس ياليت مايتكرر بهدوء ممكن تحلي المساله بس اذا بتحطي في بالك انتقام لكرامتك ماصار زوجك صار واحد من الشارع وبتكبر السالفه ويمكن لاقدر الله تتعقد الامور اكثر خليك احكم من كذا وربي يصلح مابينكم يارب
لامار2005
لامار2005 •
الله يعينك ياعمري

انتظري لحد مايروحون لأهله وخلك طبيعيه مع اهله انبسطي واضحكي ادري انه صعب بس حاولي لكن هو لاتكلمينه وقومي بحقوقه كلها

إذا راحو تفاهمي معاه وخليه يجيب لك هديه

اهله بيقولوا انك انسانه رائعه هاوشك ومازعلتي وخدمتيه ولا راح ينسونها لك لما تصير بعدين مشاكل لا قدر الله..
الورده_1
الورده_1 •
لامار2005 لامار2005 :
الله يعينك ياعمري انتظري لحد مايروحون لأهله وخلك طبيعيه مع اهله انبسطي واضحكي ادري انه صعب بس حاولي لكن هو لاتكلمينه وقومي بحقوقه كلها إذا راحو تفاهمي معاه وخليه يجيب لك هديه اهله بيقولوا انك انسانه رائعه هاوشك ومازعلتي وخدمتيه ولا راح ينسونها لك لما تصير بعدين مشاكل لا قدر الله..
الله يعينك ياعمري انتظري لحد مايروحون لأهله وخلك طبيعيه مع اهله انبسطي واضحكي ادري انه صعب بس...